បុរសរើសបានលុយ ដែលក្មេងស្រីម្នាក់ថាជាលុយនាង ហើយបានសុំវិញមិនព្រមឱ្យ ចេញមុខបកស្រាយ(មានវីដេអូ)

រាជធានីភ្នំពេញ៖ កាលពីថ្ងៃទី៣០ ខែមេសា ឆ្នាំ ២០២១កន្លងទៅ មានរឿងរ៉ាវមួយ ដោយមានក្មេងស្រីពីរនាក់ បានជ្រុះលុយក្រដាស២០ដុល្លារអាមេរិក ខណៈពេលដែលកំពុងធ្វើដំណើរតាមដងផ្លូវ នៅម្តុំផ្សារទំនើបអ៊ីអនម៉ល ខណ្ឌសែនសុខ ហើយពេលក្មេងស្រីនោះ ជិះម៉ូតូ ត្រឡប់ទៅកន្លែងជ្រុះទៅរើសលុយវិញ លុយនោះ ត្រូវបានបុរសម្នាក់ជិះរថយន្តម៉ាក Highlander ដែលពាក់ស្លាកលេខ 2V- 5883 រើសបានមុនទៅហើយ។  

ក្រោយពីបានឃើញដូច្នេះ ក្មេងស្រីនោះ បានព្យាយាមសុំលុយនោះមកវិញ តែទោះបីនាងទទូចសុំយ៉ាងណា ក៏បុរសបើករថយន្តHighlander ខាងលើ មិនព្រមឱ្យឡើយ ខ្លាចថាមិនមែនម្ចាស់លុយ។ ក្នុងអំឡុងពេលសុំលុយមកវិញនោះ ក៏មានការប៉ះសម្តីគ្នាផងដែរ រហូតដល់ចុងក្រោយ បុរសជិះរថយន្តខាងលើ បានសម្រេចចិត្តហែកលុយចោល នៅមុខក្មេងស្រីនោះ រួចបើករថយន្តទៅបាត់តែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាមួយគ្នានោះដែរ ក្មេង​ស្រី​ដែលបានជ្រុះលុយនេះ មានឈ្មោះថា Nith Nith បាន​បង្ហោះ​វី​ដេ​អូ សម្តែង​ការ​តូចចិត្ត​នៅ​លើ​គណនី​ហ្វេ​ស​ប៊ុ​ក​ដូច្នេះថា៖

ដោយឡែក នៅ​ម៉ោង​១១​ព្រឹក​ថ្ងៃ​ទី​០១ ឧសភា ២០២១ បុរស​ជិះ​រថយន្ត Highlander ដែលបានរើសលុយបាន ក៏បាន​ឡាយ​វី​ដេ​អូ​ បកស្រាយវិញដូច្នេះថា ៖

ដើម្បីជ្រាបកាន់តែច្បាស់ សូមទស្សនារូបភាព និង វីដេអូខាងក្រោម៖