យល់ដឹង៖ ជាទូទៅ ក្រោយពីចំណងអាពាហ៍ពិពាហ៍ ស្ត្រីភាគច្រើនតែងតែយកចិត្តទុក្ខចំពោះស្វាមី ឬជាដៃគូជីវិតវែងឆ្ងាយ ធ្វើយ៉ាងណាកុំឱ្យស្វាមីរបស់ខ្លួនមានចិត្តវៀចវេរ និងស្រឡាញ់ខ្លួនជាភរិយាឱ្យកាន់តែខ្លាំងរឹងមាំ ដែលធ្វើឱ្យចំណងស្នេហ៍រវាងស្វាមីភរិយាមួយគូរប្រព្រឹត្តទៅបានយ៉ាងរលូន និង មានក្តីសុខផងដែរ។
ខាងក្រោមនេះ គឺជាវិធីមួយចំនួនក្នុងការថែរក្សាចំណងអាពាហ៍ពិពាហ៍ និងចងចិត្តស្វាមីរបស់នារីៗគ្រប់រូប៖
១.បង្ហាញពីភាពគោរពស្រឡាញ់ដែលអ្នកមានចំពោះស្វាមីរបស់អ្នក
ស្វាមីភាគច្រើន តែងចង់បានការផ្តល់អារម្មណ៍គោរពស្រលាញ់ចំពោះខ្លួនពីភរិយា ដែលបង្ហាញថាតើ ខ្លួនមានសារៈសំខាន់ប៉ុណ្ណាចំពោះភរិយា ហើយការធ្វើបែបនេះ នឹងធ្វើឱ្យស្វាមីរបស់អ្នកកាន់តែលង់ខ្លួនស្រលាញ់ រឹតតែខ្លាំងឡើងពីមួយថ្ងៃទៅមួយថ្ងៃ ដោយមិនដឹងខ្លួន។
២.ចេះវាចា អរគុណ ជាញឹកញាប់ទៅកាន់ស្វាមីរបស់អ្នក
តាមការគិតរបស់មនុស្សប្រុស ការដែលភរិយាពឹងធ្វើអ្វីមួយ ដូចជាការលាងចាន បោកខោអាវជាដើម ពេលដែលរួចរាល់ស្រេចនោះ ភរិយាគួរគប្បីនិយាយពាក្យ ដែលនេះ ក៏អាចជាការបន្ទន់ចិត្តស្វាមីផងដែរ។
៣.កុំរអ៊ូឬនិយាយច្រើនពេក នាំឱ្យការថ្នាក់ចិត្តពីស្វាមី បើគ្មានភាពចាំបាច់
ជាទូទៅ បុរសភាគច្រើនមិនសូវចូលចិត្តការរអ៊ូរទាំច្រើនពេក ពីភរិយាខ្លួនឡើយ។ ដូច្នេះ ការហាត់និយាយបែបទន់ភ្លន់ពីរោះពិសារ មិនគំរោះគំរើយ ផ្អែមល្ហែម ក៏ជាវិធីចងចិត្តស្វាមីដែលមានប្រសិទ្ធភាព ក្នុងចំណោមវិធីផ្សេងទៀតផងដែរ។
៤.ទុកឱ្យគេចាត់ការអ្នកតាមចិត្ត នៅពេលគេចង់ (រឿងនេះមានសារៈសំខាន់ណាស់)
រឿងកិច្ចការនៅលើគ្រែរបស់អ្នកជាមួយស្វាមីគឺជារឿងដ៏សំខាន់ ដែលនារីគ្រប់រូបមិនអាចមើលរំលងឡើយ បើទោះបីជាមានកូនច្រើនហើយក្តីយ៉ាងណាចុះ។ ជួនកាលប្តីរបស់អ្នកអាចនឹងមិនបង្ហាញឱ្យដឹងឬ និយាយចេញក៏ដោយចុះ តែការពាល់លើរាងកាយរបស់អ្នកពីស្វាមី ក៏អាចបង្ហាញពីភាពត្រូវការអ្នកប៉ុណ្ណា។
ចំពោះមនុស្សប្រុស ការរួមដំណេកដែលល្អគឺជារឿងដែលមានន័យច្រើនជាងការដល់សេចក្ដីស្រណុកផុតកំពូលទៅទៀត។ ស្វាមីរបស់អ្នកនឹងមានអារម្មណ៍ដឹងពីសេចក្ដីសុខផុតកំពូលនៅពេលបានឃើញភរិយារបស់ខ្លួនមានសេចក្ដីសុខ និងរីករាយក្នុងការរួមដំណេកជាមួយគ្នា ហើយគេនឹងមានអារម្មណ៍កើតទុក្ខនៅពេលឃើញថា គូជីវិតរបស់គេគ្មានប្រតិកម្មតបស្នង។
៥.កុំព្រងើយកន្តើយដាក់ស្វាមី
តាមពិតទៅ តួនាទីរបស់ភរិយា ក៏ជាម្តាយរបស់ស្វាមីផងដែរ ដូច្នេះ ភរិយាគ្រប់រូបគួរតែយកចិត្តទុកដាក់ជាខ្លាំង ចំពោះការមើលថែទាំងស្វាមី ទាំង សម្លៀកបំពាក់ ការហូបចុក និង ទំនាក់ទំនងស្អិតរមួតជាមួយស្វាមី។
យោងតាមលោក Charles D. Schmitz អ្នកជំនាញការ និងជាអ្នកនិពន្ធល្បីឈ្មោះម្នាក់ បានមានប្រសាសន៍ដូច្នេះថា ៖នៅពេលណាដែលស្ត្រីជាម្ដាយ គិតតែពីផ្ដោតការយកចិត្តទុកដាក់ទៅលើពួកកូនៗច្ រើនជ្រុលពេករហូតដល់ភ្លេចផ្ដល់ការចាប់អារម្មណ៍ចំពោះស្វាមីនោះ ប្រាកដណាស់ រឿងនោះនឹងក្លាយជាបញ្ហាចំពោះជីវិតអាពាហ៍ពិពាហ៍មិនខាន ហើយ សម្ព័ន្ធភាពរវាងស្វាមី និងភរិយា ជារឿងដែលមានសារៈសំខាន់លើសរឿងអ្វីៗទាំងអស់៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
