ក្រុមអវកាសយានិក Crew 1 បានត្រលប់មកដល់ផែនដី ដោយចុះចតនៅលើមហាសមុទ្រ ដោយសុវត្ថិភាព

បរទេស៖ ក្រុមអវកាសយានិកទាំងបួននៃបេសកកម្ម Crew-1 បានចេញពីស្ថានីយអវកាសអន្តរជាតិ និងវិលត្រលប់មកផែនដីវិញដោយសុវត្ថិភាព ដោយបានចុះនៅលើមហាសមុទ្រនៅជិតឆ្នេរនៃរដ្ឋ Florida នៅម៉ោង 2:56 ទៀបភ្លឺ (1:56 នៅកម្ពុជា)។ ពួកគេបានធ្វើដំណើរត្រលប់មកវិញតាមយានអវកាស SpaceX Crew Dragon។

អវកាសយានិករបស់អង្គការណាសាគឺលោក Michael Hopkins លោក Victor Glover លោកស្រី Shannon Walker ក៏ដូចជាលោក Soichi Noguchi នៃទីភ្នាក់ងាររុករកអវកាសជប៉ុន (JAXA) បានចំណាយពេល168ថ្ងៃនៅក្នុងទីអវកាស ដែលក្នុងអំឡុងពេលនោះពួកគេបានធ្វើដំណើរជុំវិញផែនដីចំនួន2,688ដង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

Splashdown of Dragon confirmed – welcome back to Earth, @AstroVicGlover, @Astro_illini, Shannon Walker, and @Astro_Soichi! pic.twitter.com/jEVQMyOgQT

— SpaceX (@SpaceX) May 2, 2021

ក្រុមអវកាសយានិកទាំងបួននាក់បានជិះយាន Crew Dragon ហើយចាកចេញពីស្ថានីយអវកាសនៅម៉ោង 8:35 យប់នៅថ្ងៃសៅរ៍ ទី1 ខែឧសភា (7:35 AM នៅកម្ពុជា)។ ពួកគេបានចុះចតនៅព្រឹកថ្ងៃអាទិត្យលើឈូងសមុទ្រម៉ិកស៊ិក នៅឆ្នេរសមុទ្រទីក្រុងប៉ាណាម៉ា រដ្ឋ Florida។ ក្រុមអវកាសយានិកត្រូវបានគេទៅយកដោយប្រើនាវាសង្គ្រោះ Go Navigator និងទូកលឿនពីរគ្រឿង បន្ទាប់មកត្រូវបានគេយកទៅពិនិត្យសុខភាពដោយឧទ្ធម្ភាគចក្រ៕

Join us: https://t.me/khmerload

• ទីកន្លែង
• វិទ្យាសាស្រ្ត