សហស្ថាបនិកក្រុមហ៊ុនដាក់ឈីបក្នុងខួរក្បាល Neuralink របស់មហាសេដ្ឋី Elon Musk បង្ហោះសារចាកចេញពីក្រុមហ៊ុន

បរទេស៖ ប្រធានក្រុមហ៊ុន Neuralink លោក Max Hodak បានប្រកាសកាលពីថ្ងៃសៅរ៍លើបណ្តាញសង្គមធ្វីតធឺថា លោកលែងចូលរួមជាមួយក្រុមហ៊ុននេះទៀតហើយ ដែលក្នុងនោះលោកជាសហស្ថាបនិកជាមួយលោក Elon Musk និងអ្នកវិទ្យាសាស្ត្រនិងវិស្វករ7រូបទៀត។ គាត់បាននិយាយថា លោកមិនបានទៅធ្វើការនៅទីនោះពីរបីសប្តាហ៍ទៅហើយ ប៉ុន្តែមិនបានបង្ហាញពីការចាកចេញរបស់គាត់ទេ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្រុមហ៊ុន Neuralink គឺកំពុងអភិវឌ្ឍការដាក់ឈីបក្នុងខួរក្បាល ដើម្បីអាចឱ្យមនុស្សបញ្ជាកុំព្យូទ័របាន។

បង្កើតឡើងក្នុងឆ្នាំ2016 លោក Musk បានវិនិយោគទ្រព្យសម្បត្តិផ្ទាល់ខ្លួនរាប់សិបលានដុល្លារដើម្បីបង្កើតក្រុមហ៊ុននេះ។ ក្រុមហ៊ុន Neuralink ក៏កំពុងបង្កើតមនុស្សយន្តវះកាត់ ដើម្បីដាក់ឧបករណ៍ឈីបរបស់ខ្លួនទៅក្នុងខួរក្បាលមនុស្សផងដែរ៕