មូលហេតុ ដែលអ្នកស្រលាញ់ភ្លៀង ជាមនុស្សដែលមានក្តីសុខខ្លាំងបំផុត

តើអ្នកជាមនុស្សដែលចូលស្តាប់សម្លេងទឹកភ្លៀងធ្លាក់ពីលើមេឃមកបោកលើដីមែនទេ? តើរាល់ដង នៅពេលភ្លៀងធ្លាក់មក អ្នកតែងតែអារម្មណ៍រំភើប និងសប្បាយរីករាយមែនទេ? ក្រៅពីនេះក៏អ្នកចូលចិត្តអានសៀវភៅ ស្តាប់ចម្រៀង ផឹកកាហ្វេក្តៅៗ ឬក៏ធ្វើអ្វីផ្សេងឬទេនៅពេលមានភ្លៀងធ្លាក់មកមែនទេ?

ប្រសិនជាអ្នកមានអារម្មណ៍ដូចខាងលើដែលបានរៀបរាប់នេះ មិនចាំបាច់សង្ស័យច្រើនទេ អ្នកប្រាកដជាស្ថិតក្នុងក្រុមមនុស្ស Pluviophiles(អ្នកស្រលាញ់ភ្លៀង) ជាក់ជាមិនខានឡើយ។ នេះអាចចាត់ទុកជាសំណាងហើយ ដែលអ្នកកើតមកជាមនុស្សប្រភេទនេះ ដោយសារពួកគេគឺជាប្រភេទមនុស្សដែលមានសេចក្តីសុខខ្លាំងនៅក្នុងជីវិត​ ទោះបីជាមើលទៅសម្បកក្រៅពួកគេដូចជាមនុស្សឯកាក៏ពិតមែន ប៉ុន្តែនេះមិនមែនជាការពិតទាំងស្រុងនោះឡើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សម្រាប់ព័ត៌មានបន្ថែម និង រហ័ស សូមចុច៖https://t.me/khmerload

តោះចង់ដឹងអត់អ្នកដែលស្រលាញ់ភ្លៀងគឺជាមនុស្សដែលមានសេចក្តីសុខខ្លាំងបំផុតយ៉ាងដូចម្តេចវិញ សូមចូលមើលចំណុចខាងក្រោម៖

១. ពួកគេអាចមានអារម្មណ៍សប្បាយ និងអារម្មណ៍ឯកោបានក្នុងពេលតែមួយ

ថ្វីត្បិតតែពេលភ្លៀងអាចធ្វើឲ្យមនុស្សជាច្រើនមានអារម្មណ៍សប្បាយរីករាយពិតមែន ប៉ុន្តែពេលខ្លះក៏អាចបណ្តាលឲ្យមនុស្សមួយចំនួនមានអារម្មណ៍ឯកោ និងថែមទាំងអាចធ្វើឲ្យនឹកឃើញអតីតកាលមិនល្អទៀតផង ប៉ុន្តែចំពោះមនុស្សដែលស្រលាញ់ភ្លៀងវិញ គឺប្រាកដជាមិនមែនជាបញ្ហាសម្រាប់ពួកគេទេ ដោយសារពួកគេស្រលាញ់ភាពស្ងប់ស្ងាត់ និង​​ឯករាជ្យ ទោះបីមានអារម្មណ៍ឯកាបន្តិចបន្តួចក៏ពិតមែន ប៉ុន្តែទន្ទឹមនឹងនេះ ពួកគេក៏មានក្តីសុខ និងអារម្មណ៍រំភើប នៅពេលភ្លៀងធ្លាក់ដែរ ​ដូច្នេះទោះបីអង្គុយមើលភ្លៀងរាប់ម៉ោងក៏មិនមែនជារឿងពិបាកសម្រាប់ក្រុមមនុស្សប្រភេទនេះនោះឡើយ។

២.ពួកគេអាចគ្រប់គ្រងស្ថានការណ៍តឹងតែង បានដោយស្ងប់ស្ងាត់

ភាគច្រើនពួកគេគឺជាមនុស្សឈាមត្រជាក់ នៅពេលពេលដែលមានសម្ពាធ ឬក៏ស្ថានភាពដ៏ពិបាក ពួកអាចអាចគ្រប់គ្រងស្ថានការណ៍បាននៅដោយភាពស្ងប់ស្ងាត់ ប៉ុន្តែមិនមែននៅស្ងៀមមិនធ្វើអ្វីនោះទេ គឺសំងំដោះស្រាយបញ្ហាមួយៗ ស្ងាត់ៗ និងភាពជឿជាក់ ដូច្នេះរឿងអ្វីដែលគេផ្ចង់អារម្មណ៍ធ្វើដោយក្តីស្រលាញ់ គឺកម្រនឹងបរាជ័យណាស់។

៣.ពួកគេអាចនឹងបំភ្លេចអតីតកាលដែលមិនល្អចោលបានមួយរំពេច

អ្នកដែលស្រលាញ់ភ្លៀងអាចនឹងបំភ្លេចរឿងមិនល្អចោលបានភ្លាម ប្រសិនជាគេមានអារម្មណ៍ចង់បំភ្លេចនោះ នេះគឺដោយសារតែពួកគេរស់នៅក្នុងបច្ចុប្បន្នកាល ជាពិភពដែលរស់នៅគឺពោរពេញដោយសេចក្តីសុខ និងសប្បាយរីករាយ មិនខុសពីកុមារភាព ដែលរត់លេងទឹកភ្លៀង ដោយបំភ្លេចបញ្ហាទុកនៅម្តុំសិនផងដែរ។

៤. អ្នកដែលស្រលាញ់ភ្លៀងតែងតែស្គាល់ខ្លួនឯងច្បាស់

ពួកគេភាគច្រើនគឺជាមនុស្សដែលទទួលស្គាល់នូវការពិត និងទទួលស្គាល់ខ្លួនឯង ជាពិសេសពួកគេចូលចិត្តព្យាយាមអ្វីដែលថ្មី មិនថា​​មានការពិបាក ឬយ៉ាងណា ក៏ពួកគេនឹងសម្រេចបានដោយភាពជោគជ័យនៅពេលណាមួយ ដូច្នេះមិនថាអាយុគេច្រើនប៉ុណ្ណា ពួកគេនៅតែចំណាយពេលពេលវេលា ជាមួយនឹងភ្លៀងជានិច្ច នៅពេលដែលមានឪកាស។

៥.ពួកគេមានជំនឿចិត្តលើខ្លួនឯង

ប្រសិនជាអ្នកគឺជាមនុស្សពេញវ័យ ហើយនៅតែរត់លេងទឹកភ្លៀងដោយមិនខ្វល់ពីភ្នែកអ្នកដទៃនោះ មានន័យថាអ្នកមានការជឿជាក់នូវអ្វី ដែលអ្នកកំពុងធ្វើ ទោះបីអ្នកផ្សេងគិតអ្នកក្នុងផ្លូវល្អ ឬមិនល្អ អ្នកក៏មិនខ្វល់ ហើយអាចធ្វើអ្វីដែលខ្លួនចង់ធ្វើផងដែរ។