បរទេស៖ អ្នកជ្រមុជទឹកពីរនាក់នៅឯរដ្ឋ Florida សហរដ្ឋអាមេរិក បានរកឃើញឆ្អឹងដំរី mammoth មួយដែលមានអាយុកាលតាំងពីយុគសម័យទឹកកក ខណៈពេលកំពុងជ្រមុជទឹកទន្លេក្នុងតំបន់។
លោក Derek Demeter និងលោក Henry Sadler បានរកឃើញឆ្អឹងទម្ងន់50ផោន (22kg) នៅក្នុងទន្លេ Peace River កាលពីថ្ងៃអាទិត្យ ដោយអ្នកទាំងពីរបានហៅវាថាជាការរកឃើញដ៏អស្ចារ្យ។
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សអ្នកទាំងពីរជឿថាឆ្អឹងនេះជារបស់សត្វដំរី Columbian mammoth ដែលមានជីវិតកាលពីចន្លោះពី2.6លានទៅ 10,000ឆ្នាំមុន។ ទោះយ៉ាងណា អាយុពិតប្រាកដរបស់ឆ្អឹងនេះគឺពិបាកកំណត់ណាស់។
ក្នុងនាមជាអ្នកជំនាញខាងផូស៊ីល ឬ paleontologists អ្នកជ្រមុជទឹកទាំងពីរនេះក៏បានជីកឆ្អឹងជាច្រើនទៀត ដោយនៅថ្ងៃដដែលពួកគេបានរកឃើញផ្នែកខ្លះនៃត្រីឆ្លាមដែលផុតពូជ និងបានរកឃើញធ្មេញរបស់សត្វខ្លា saber-tooth ទៀតផង។
កាលពីមុនលោក Sadler ក៏ធ្លាប់បានរកឃើញធ្មេញដំរី mammoth នៅក្នុងទន្លេដដែលនេះផងដែរ។
ការរកឃើញពីមុនៗមួយចំនួនរបស់ពួកគេ ត្រូវបានយកទៅដាក់នៅក្នុងសារមន្ទីរ Florida Museum of Natural History ប៉ុន្តែការរកឃើញថ្មីបំផុតនេះគឺនឹងត្រូវយកទៅបង្ហាញនៅក្នុងថ្នាក់រៀនដែលលោក Sadler បង្រៀន៕
Join us: https://t.me/khmerload
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
