អបអរសាទរ! អ្នកជំងឺកូវីដ១៩ ចំនួន១២៧នាក់​ បានចេញពីមណ្ឌលព្យាបាល កោះពេជ្រហើយ

ភ្នំពេញ: ជារឿងដែលគួរឲ្យសាទរ និងត្រេកអរមួយ ក្រោយពេលដែលក្រុមគ្រូពេទ្យសម្តេចតេជោធីតា យោងតាមគណនីហ្វេសប៊ុកផ្លូវការ បានធ្វើការជូនដំណឹងថា អ្នកជំងឺចំនួន ១២៧នាក់នៅមណ្ឌលសម្រាកព្យាបាល បន្ថែមទៀតត្រូវបានក្រុមគ្រូពេទ្យរបស់យើងអោយត្រឡប់ទៅផ្ទះវិញកាលពីព្រឹក ថ្ងៃទី០៤ ខែឧសភា ឆ្នាំ២០២១ ក្រោយពីទទួលការព្យាបាលយ៉ាងយកចិត្តទុកដាក់ខ្ពស់ពីសំណាក់ ក្រុមគ្រូពេទ្យសម្តេចតេជោប្រឆាំងជំងឺកូវីដ១៩ ពួកគាត់បានជាសះស្បើយ និងត្រូវធ្វើចត្តាឡីស័កខ្លួនឯងដាច់ដោយឡែករយៈពេល១៤ថ្ងៃបន្តទៀត ដើម្បីតាមដានសុខភាព។

សូមរំលឹកផងដែរគិតមកត្រឹមថ្ងៃនេះ ចំនួននៃអ្នកវិជ្ជមានកូវីដ១៩នៅកម្ពុជាមកឡើងដល់១៥៣៦១ នាក់ ខណ:ដែលមានអ្នកជាសះស្បើយចំនួន៥៤៣០នាក់៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប្រភពដកស្រង់រូបភាព: ហ្វេសប៊ុក ក្រុមគ្រូពេទ្យយុវជនសម្តេចតេជោធីតា Tyda

• រូបភាព