Jack Paul ត្រូវប៉ុន្មានដៃរបស់ អង្គរក្ស Floyd Mayweather ដោយសារហ៊ានលេងសើចជ្រុល

អាមេរិក៖ នៅក្នុងថ្ងៃនេះ មានដ៏គួរឲ្យភ្ញាក់ផ្អើលមួយបានកើតឡើងនៅក្នុងបណ្តាញសង្គម ដោយសារតែលោក Jack Paul ត្រូវបានរងនូវការវាយតប់ប៉ុន្មានដៃ ក្រោយពេលដែលលោក ព្យាយាមដុតកម្ដៅទៅកាន់ កំពូលតារាប្រដាល់ Floyd Mayweather។

ដោយស្ថិតក្នុងសន្និសីទសារព័ត៌មានផ្សព្វផ្សាយអំពីការប្រកួតប្រដាល់រវាង Floyd Mayweather និង Logan Paul ដែលនឹងមានខែក្រោយនេះ ស្រាប់តែ Jack Paul បានព្យាយាមចូលជួយបងប្រុសរបស់ខ្លួន ដោយនិយាយទល់មុខនឹង Floyd Mayweather បានមួយសន្ទុះ ប៉ុន្តែរំពេចនោះស្ថានការណ៍ចាប់ផ្តើមប្រែប្រួលដោយសារតែ លោកបែរជាហ៊ានទាញមួករបស់តារាប្រដាល់ជើងចាស់នេះ មកពាក់នៅនឹងក្បាលខ្លួនឯងទៅវិញ ទើបបន្ទាប់មកសង្គ្រាមវាយតប់បានចាប់ផ្តើមភ្លាមៗតែម្តង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ភាពរញ៉េរញ៉ៃនៃការប្រើកម្លាំងបាយបានបង្កឡើងមួយសន្ទុះ ទើប Jack Paul ត្រូវបានគ្នីគ្នារបស់លោក ព្យាយាមទាញលោកឲ្យចូលទៅក្នុងបន្ទប់មួយ បន្ទាប់ពីត្រូវអង្គរក្ស Floyd Maywearther វាយត្រូវប៉ុន្មានដៃចំមុខរួចមក។

បន្ទាប់ពីវីដេអូការប៉ះទង្គិចនេះត្រូវបានចែកចាយជាបន្តបន្តបន្ទាប់រួចមក ទស្សនិកជនក៏មិនបានពេញចិត្តនឹង អាកប្បកិរិយាមិនគួរឲ្យគោរពរបស់ Jack Paul ដែរ ដោយសារតែលោកទើបមានវ័យ២៤ឆ្នាំប៉ុណ្ណោះ ខណៈពេលដែល Floyd Mayweather មានវ័យដល់ទៅ៤៤ឆ្នាំទៅហើយ៕

ចង់បានព័ត៌មានបន្ថែម និងរហ័ស សូមចុច៖ https://t.me/khmerload

សូមចូលទស្សនារូបភាព និងវីដេអូខាងក្រោម៖

• យុវវ័យ
• វីដេអូ
• តារាអន្តរជាតិ