មិនធម្មតា! ណាសាចង់ដាក់តេឡេទស្សន៍មួយ នៅរណ្ដៅផ្នែកមួយចំហៀងទៀតនៃព្រះចន្ទ ដើម្បីសិក្សាកំណើតសកល

បរទេស៖ ក្រុមអ្នកវិទ្យាសាស្ត្រចង់បង្កើតតេឡេទស្សន៍វិទ្យុមួយ នៅផ្នែកមួយចំហៀងទៀតនៃឋានព្រះចន្ទ ដើម្បីជួយស្រាយអាថ៌កំបាំងជុំវិញការកកើតចក្រវាល។ ខណៈពេលដែលបេសកកម្មរបស់ណាសាមួយនេះ នៅមិនទាន់លេចចេញរូបរាងជាផ្លូវការ គំរូនៃតេឡេទស្សន៍ Lunar Crater Radio Telescope ឬក៏ LCRT ត្រូវបានអភិវឌ្ឍជាច្រើនឆ្នាំមកហើយ។

គម្រោងនេះទើបទទួលបានកញ្ចប់ថវិកាចំនួន៥០០,០០០ដុល្លារ ដែលជួយជំរុញឲ្យចូលទៅកាន់ដំណាក់កាលទី២នៃកម្មវិធី Innovative Advanced Concepts របស់ទីភ្នាក់ងារអវកាសណាសា។ តេឡេទស្សន៍ឋានព្រះចន្ទមួយនេះអាចនឹងរួមបញ្ចូលជាមួយ រ៉ូបូតភ្ជាប់ខ្សែសំណាញ់លោហធាតុ នៅក្នុងរណ្ដៅមួយរបស់ព្រះចន្ទនៃផ្នែកមួយចំហៀងទៀត ដើម្បីបង្កើតតេឡេទស្សន៍វិទ្យុមួយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តេឡេទស្សន៍នេះអាចគណនារលកវិទ្យុតាំងពីរាប់រយលានឆ្នាំមុន បន្ទាប់ពីបន្ទុះប៊ីកប៊ែងដែលបង្កើតបានជាចក្រវាលរបស់យើង មុនពេលតារាផ្សេងៗចាប់កំណើត។ គម្រោងផ្សេងៗដូចជា LCRT ត្រូវបានជ្រើសរើសដោយកម្មវិធី កំឡុងពេលដំណាក់ត្រួតពិនិត្យដោយក្រុមអ្នកវិទ្យាសាស្ត្រនៃការវាយតម្លៃសំណើសម្រាប់បេសកកម្មនានា ដែលនឹងជួយឲ្យយើងយល់ដឹងកាន់តែច្រើន និងការរុករកទីអវកាស៕

Join us: https://t.me/khmerload