ក្នុងខ្លួនចេះតែថី? ជនជាតិឥណ្ឌា បែរជា យកលាមកគោមកលាបពេញខ្លួន សម្រាប់ព្យាបាលជំងឺកូវីដទៅវិញ

ឥណ្ឌា៖ អ្នកតាមដានព័ត៌មានបរទេស នៃជំងឺកូវីដ ១៩ ប្រាកដជ្រាបច្បាស់ហើយ​ បច្ចុប្បន្ននេះ ប្រទេសឥណ្ឌាកំពុងប្រឈមមុខនឹងការវាយលុក កើនឡើងនៃការឆ្លងរីករាលដាលនៃជំងឺឆ្លងមួយនេះ គួរឲ្យបារម្ភជាពន់ពេក ពីសំណាក់មនុស្សទូទាំងពិភពលោក។

ជាក់ស្តែង តួលេខនៃចំនួនអ្នកឆ្លងបានកើតឡើងជាលំដាប់  ក៏ដូចជាតួលេខនៃមរណភាពផងដែរ។ តួយ៉ាងការកើនឡើងពីមួយថ្ងៃទៅមួយនេះ បានធ្វើឲ្យ មនុស្សស្លាប់នៅខាងក្រៅមន្ទីរពេទ្យ គ្មានកន្លែងបញ្ចុះសពត្រឹមត្រូវ វាជារឿងគួរឲ្យខ្លោចចិត្តខ្លាំងបំផុត។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នៅរដ្ឋហ្គូចានៅភាគខាងលិចនៃប្រទេសឥណ្ឌា មានមនុស្សមួយចំនួន បានទៅជឿរឿងខ្លះ បានទៅជំរំសត្វគោម្តងក្នុងមួយសប្តាហ៍ ដើម្បីយកខ្លួនរបស់ពួកគេ លាបពោរពេញទៅដោយលាមកគោ ដោយពួកគេបាន សង្ឃឹមថាវានឹងជួយបង្កើនភាពស៊ាំរបស់ពួកគេប្រឆាំងនឹងឬជួយពួកគេឱ្យជាសះស្បើយពីជំងឺឆ្លងកូវីដទៅវិញ។

ដោយឡែក វេជ្ជបណ្ឌិតនៅប្រទេសឥណ្ឌា កំពុងព្រមានប្រឆាំង ទៅកាន់មហាជនមួយចំនួននោះ ក្នុងការអនុវត្តការប្រើប្រាស់លាមកគោដោយជឿជាក់ថាវាជារឿងខុសប្រធានបទ ដោយលើកឡើងថាមិនមានភស្តុតាងវិទ្យាសាស្ត្រ សម្រាប់ធ្វើឲ្យវាប្រសិទ្ធភាពនោះទេ ហើយវានឹងធ្វើឲ្យពួកគេ មានហានិភ័យក្នុងការរាលដាលជំងឺផ្សេងៗទៀតផងដែរ។

ទោជាយ៉ាងណា នៅក្នុងហិណ្ឌូសាសនា ត្រូវបានឲ្យដឹងថា សត្វគោគឺជានិមិត្តរូបដ៏ពិសិដ្ឋនៃជីវិត ក៏ដូចជាផែនដីហើយអស់រយៈពេលជាច្រើនសតវត្សរ៍នៃសានាដ៏ចំណាស់មួយនេះ ដែលគេបានប្រើលាមកគោដើម្បីសម្អាតផ្ទះនិងសម្រាប់ធ្វើពិធីអធិស្ឋានដោយជឿថាវាមានលក្ខណៈព្យាបាល និងថ្នាំសម្លាប់មេរោគដូច្នេះដែរ៕

ប្រភព៖ https://www.reuters.com/

សូមទស្សនារូបភាពខាងក្រោម៖