ស្រីៗរត់អំឡុងពេលមករដូវ អាចកាត់បន្ថយការចុកពោះ?

អំឡុងពេលមករដូវ ស្រីៗយើងភាគច្រើន តែងតែជួបប្រទះការប្រែប្រួលអារម្មណ៍ ឈឺក្បាល ឬចុកពោះជាដើម។ ប៉ុន្តែអាការៈទាំងនេះអាចដោះស្រាយបាន តាមរយៈការធ្វើលំហាត់ប្រាណងាយៗ គឺការរត់។ ពិតណាស់ ការរត់គឺជាឱសថដ៏ស័ក្ដិសិទ្ធិ ដែលអាចឲ្យគ្នាយើងចាកផុតពីការចុកពោះបានយ៉ាងមានប្រសិទ្ធភាព។ យោងតាមការសិក្សាបានបង្ហាញថា ប្រសិនបើស្រីៗយើងហាត់ប្រាណប្រហែលជា៤៥ទៅ៦០នាទី ចំនួន៣ដងក្នុងមួយសប្ដាហ៍ វានឹងជួយការពារការចុកពោះធ្ងន់ធ្ងរ ក៏ដូចជាធ្វើឲ្យអំឡុងពេលមករដូវមានភាពស្រស់ស្រាយដូចថ្ងៃធម្មតា។

អត្ថប្រយោជន៍នៃការរត់នៅអំឡុងពេលមករដូវដែលយើងទទួលបាន៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ជួយធ្វើឲ្យអារម្មណ៍ប្រសើរឡើង

ការរត់អាចជួយបញ្ចេញអ័រម៉ូនEndorphins នៅក្នុងរាងកាយរបស់យើងបាន ដែលជាអ័រម៉ូនធ្វើឲ្យអារម្មណ៍រីករាយ។ ម្យ៉ាងវិញទៀត អ័រម៉ូននេះក៏ជាឱសថបំបាត់ការឈឺចាប់ធម្មជាតិផងដែរ។ ដូច្នេះហើយ គ្នាយើងអាចបំបាត់បញ្ហាចុកពោះបាន ដោយគ្រាន់តែចំណាយពេលរត់ប៉ុន្មាននាទីប៉ុណ្ណោះ។

២. បន្ធូរសាច់ដុំអាងត្រគាក

នៅពេលដែលយើងអង្គុយច្រើនពេក វាអាចធ្វើឲ្យសាច់ដុំរឹង ប៉ុន្តែប្រសិនបើយើងហាត់ប្រាណដោយការរត់ សាច់ដុំអាងត្រគាកនឹងមានការកន្ត្រាក់តិចតួចនៅត្រង់បរិវេណពោះ។ បន្ថែមពីនេះ នៅពេលដែលយើងរត់ លំហូរឈាមនឹងមានដំណើរការល្អ ដែលធ្វើឲ្យយើងមិនសូវមានការឈឺចាប់។

៣. ធ្វើឲ្យយើងមានអារម្មណ៍ស្វាហាប់

ស្រីៗយើងខ្លះត្អូញត្អែរថា ខ្លួនមានអារម្មណ៍ខ្ជិលច្រអូសខ្លាំង នៅពេលដែលពួកគេមករដូវ។ នេះគឺជារោគសញ្ញាមួយនៃជំងឺមុនមករដូវដែលអាចត្រូវបានដោះស្រាយយ៉ាងងាយស្រួលតាមរយៈការរត់ ពីព្រោះថាលំហាត់ប្រាណបែបនេះ អាចជួយបង្កើនកម្រិតអុកស៊ីសែននៅក្នុងរាងកាយ ដែលធ្វើឲ្យយើងមានភាពស្វាហាប់ជាថ្មីម្ដងទៀត។

៤. ដោះស្រាយរោគសញ្ញានៃជំងឺមុនមករដូវ

រោគសញ្ញានៃជំងឺមុនមករដូវ ដូចជាប្រែប្រួលអារម្មណ៍ ឈឺខ្លួនប្រាណ ឈឺក្បាល។ល។ គឺសុទ្ធតែជាផលវិបាកនៃអតុល្យភាពអ័រម៉ូន។ ប៉ុន្តែ នៅពេលដែលយើងរត់ វាអាចជួយដល់ការផលិតអ័រម៉ូន endorphins ដែលអាចជួយដោះស្រាយបញ្ហាទាំងនេះបានយ៉ាងងាយ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ស្រីៗរត់​អំឡុង​ពេល​​មក​រដូវ អាច​កាត់​បន្ថយ​ការ​ចុក​ពោះ​?​​​​​​​​​​​​​​​​​​​​​​​​

​​​១. ជួយ​ធ្វើ​ឲ្យ​អារម្មណ៍​ប្រសើរ​ឡើង​

​​២. បន្ធូរ​សាច់​ដុំ​អាង​ត្រគាក

​​​​៣. ​ធ្វើ​ឲ្យ​យើង​មាន​អារម្មណ៍​ស្វាហាប់​

៤. ​ដោះស្រាយ​រោគ​សញ្ញា​នៃ​ជំងឺ​មុនមក​រដូវ

In Case You Missed It

ស្រីៗរត់អំឡុងពេលមករដូវ អាចកាត់បន្ថយការចុកពោះ?

១. ជួយធ្វើឲ្យអារម្មណ៍ប្រសើរឡើង

២. បន្ធូរសាច់ដុំអាងត្រគាក

៣. ធ្វើឲ្យយើងមានអារម្មណ៍ស្វាហាប់

៤. ដោះស្រាយរោគសញ្ញានៃជំងឺមុនមករដូវ