ភ្នំពេញ: មហាជន និងប្រិយមិត្តដែលជាអ្នកនិយមលេងបណ្តាញហ្វេសប៊ុកពិតជាបានទទួលជ្រាបនៅរឿងរ៉ាវដ៏កក្រើករបស់លោកឧកញ៉ា ហេង សៀ និងអតីតបេក្ខភាព Miss Grand កម្ពុជា កញ្ញា យូប៊ី ដោយកាលពីពេលថ្មីៗនេះ យោងតាមលិខិតកំណត់ហេតុពាក្យបណ្តឹងមួយច្បាប់របស់លោកឧកញ៉ា ហេង សៀ បានសរសេររៀបរាប់ និងអត្ថាធិប្បាយយ៉ាងដូច្នេះថា÷
ក្នុងអំឡុងខែមេសា ខ្ញុំបានស្គាល់ឈ្មោះ យូប៊ី (កញ្ញា មាន ពេជ្ររីតា ) ដែលមានមុខរបរជាអ្នកថតផ្សាយពាណិជ្ជកម្ម ដោយឈ្មោះយូប៊ីបានប្រើប្រាស់លេខទូរសព្ទពីរខ្សែ ហើយថតផ្សាយពាណិជ្ជកម្មនិងបង្ហាញម៉ូតឲ្យក្រុមហ៊ុន POUNG STUDIO។ ការទំនាក់ទំនងគ្នានេះ ក្នុងនាមស្រ្តីរកស៊ីផ្លូវភេទ (ស៊ីនំឲ្យលុយ) ខ្ញុំបានទំនាក់ទំនងណាត់ជួបឈ្មោះយូប៊ី ចំនួន ៣ លើក ហើយច្រើនជួបគ្នានៅផ្ទះសំណាក់ ជួបម្តងតម្លៃ ២០០ ដុល្លារ ទៅ ៣០០ ដុល្លារ។
រាល់ការទំនាក់ទំនងតាមប្រព័ន្ធតេឡេក្រាម ក្នុងទំនាក់ទំនងរវាងរូបខ្ញុំនិងឈ្មោះយូបីមិនមែនជាសង្សារឬប្រពន្ធចុងទេ គឺស៊ីនំរួចឲ្យលុយចប់។ តែរូបខ្ញុំធ្លាប់បានជួយឧបត្ថម្ភលុយឈ្មោះយ៉ូប៊ីម្តងចំនួន ១៥០០ ដុល្លារ ដោយគេត្រូវការលុយបង់ថ្លៃសាលា។
ក្នុងកំណត់ហេតុខាងលើក៏បានបន្តទៀតថា÷
លុះមកដល់ថ្ងៃទី ៤ ខែឧសភា ឆ្នាំ២០២១ វេលាម៉ោងប្រហែល ២ និង១២ នាទីថ្ងៃត្រង់ រូបខ្ញុំបានបើករថយន្តមួយគ្រឿងម៉ាក KIA ពណ៌ទឹកប្រាក់ពាក់ស្លាកលេខភ្នំពេញ 2AC-7258 បើកចេញពីផ្ទះក្នុងគោលបំណងទៅក្រុមហ៊ុនសេង ស្រេងហុង អាហរ័ណនីហរ័ណចំកាត់ ស្រាប់តែនៅពេលធ្វើដំណើរតាមផ្លូវ ក៏ឈ្មោះ យូប៊ី បាន Messages លេខទូរសព្ទចូលមកលេខរបស់ខ្ញុំ ឱ្យរូបខ្ញុំទៅជួប នៅម្តុំសាលាអាស៊ីអឺរ៉ុប សង្កាត់ទឹកល្អក់ទី២ ខណ្ឌទួលគោក។ នៅពេលដែលខ្ញុំបានបើករថយន្តទៅដល់ក៏បានជួបនាង យូប៊ី រួចហើយនាងក៏បានឡើងជិះរថយន្តជាមួយខ្ញុំ ដោយខ្ញុំជាអ្នកបើក ចំណែកឈ្មោះយូបីអង្គុយពីខាងក្រោយខ្ញុំ ហើយឱ្យខ្ញុំបើកឡានចុះឡើង ២ ទៅបីបក ដើម្បីរង់ចាំមនុស្សស្រីម្នាក់ទៀតជាមិត្ត របស់នាង។ ក្នុងពេលបើករថយន្ត ឈ្មោះយូប៊ី បានឱ្យបាញ់លុយតាម ABA ចូលក្នុងគណនីរបស់នាង ចំនួន ៣០ ដុល្លារ តែខ្ញុំគិតថាតិចពេក ក៏បាញ់លុយបន្ថែមបង្គ្រប់ ៥០ ដុល្លារ ក្នុងពេលនោះ ឈ្មោះយូប៊ី ប្រហែលមើលឃើញលេខសម្ងាត់របស់ខ្ញុំ ពេលនោះ នាងក៏ឱ្យខ្ញុំបើករថយន្តអែបកៀន ផ្លូវច្រកតូចលេខ ១៣៨ កែងផ្លូវ២៥៩ សង្កាត់ទឹកល្អក២ ខណ្ឌទួលគោក រួចហើយនាងបានធ្វើសកម្មភាពយកកូនកាំបិតចុងស្រួច យកមកចាក់លើក្បាលពោះខាងស្តាំរបស់ខ្ញុំចំនួន ២កាំបិតបណ្តាលឱ្យរងរបួសធ្ងន់។ ភ្លាមនោះខ្ញុំស្រវ៉ាបើកទ្វារថយន្តរួចចេញ រត់មកខាងក្រៅដើម្បីឱ្យគេជួយ ចំណែកនាងបានបើកទ្វារឡានរួចដើរគេចខ្លួនបាត់ទៅ។ ដោយបានយកទូរស័ព្ទដៃរបស់ខ្ញុំមួយគ្រឿងម៉ាក Iphone 12 ProMax ព៌ណទឹកមាស គេចខ្លួនបាត់។ ចំណែករូបខ្ញុំ ដោយមានស្មារតីរឹងមាំ ក៏បើករថយន្តដោយខ្លួនឯងទៅមន្ទីរពេទ្យព្រះកុសុមៈ រួចក៏បន្តមកសង្គ្រោះបន្ទាន់នៅមន្ទីរពេទ្យរ៉ូយ៉ាល់ភ្នំពេញ។
សូមបញ្ជាក់ផងដែលថា គិតមកត្រឹមថ្ងៃ ព្រហស្បតិ៍ ទី១៣ ខែឧសភា ឆ្នាំ២០២១នេះ ដំណើរការនៃសំណុំរឿងក្តីខាងលើនេះ បាននឹងកំពុងតែដំណើរការយ៉ាងសកម្ម ខណ:ដែលក្រុមមេធាវីសម្តេចតេជោ ក៏បានដាក់លិខិតស្នើសុំនៅក្រៅឃុំជូនដល់កូនក្តីកញ្ញា យូប៊ី ស្របពេលដែលភាគីដើមបណ្តឹងលោក ឧកញ៉ា ហេង សៀ កំពុងសម្រាកនៅមន្ទីរពេទ្យ៕
ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូតសូមចុច៖ https://t.me/khmerload
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
