ល្បិចមនុស្សប្រុស ដែលអ្នកល្មមៗតាមមិនទាន់

យល់ដឹង៖ មនុស្សប្រុសមិនមែនសុទ្ធតែដូចគ្នាទាំងអស់នោះទេ បើអ្នកមិនដែលសង្កេតប្រាកដជាគិតថាមនុស្សប្រុសទៀងត្រង់មិនមានអ្វីគួរឲ្យបារម្ភ តែធាតុពិតជាខ្លាលាក់ក្រចក ដែលមានល្បិចកលខ្ពស់មនុស្សល្មមៗមើលមិនដឹងតាមមិនទាន់ ស្មានមិនត្រូវនោះទេ ហើយមនុស្សប្រុសបែបនេះចូលចិត្តអានសៀវភៅ និងចូលចិត្តតាមដានព័ត៌មានណាស់។ ព្រោះមនុស្សប្រុសចេះប្រើល្បិច ដែលអ្នកអាចស្មានមិនដល់៖

ល្បិចរាប់អានមិត្ត

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ការរាប់អានមិត្តគឺពិតជាសំខាន់ណាស់ វាជាផ្នែកដ៏ធំមួយក្នុងជីវីតរបស់មនុស្សគ្រប់រូប ចំពោះមនុស្សប្រុសរឹតតែសំខាន់ ព្រោះមិត្តភក្ដិក៏អាចផ្លាស់ប្ដូរជីវិតរបស់យើងបានដែរ បើអ្នកចេះរាប់អានមិត្ត នោះជីវិតរបស់អ្នកផ្លាស់ប្ដូរទៅកាន់តែរីកចំរើន បើរាប់អានមិត្តខុសរបៀបជីវីតក៏អន់ថយទៅតាមនឹងដែរ។ ការរាប់អានមិត្តភក្តិមានវិធីច្រើនទៅតាមមនុស្សប្រុសម្នាក់ៗ តែល្បិចដែលរាប់អានមិត្តល្អនោះគឺ មនុស្សដែលមានចរិតស្រដៀងអ្នក ប្រាកដណាស់មនុស្សដែលមានចិត្តគំនិតដូចគ្នាគឺពិបាករកណាស់ ប៉ុន្តែបើមនុស្សដែលមានចរិតស្រដៀងអ្នក គឺពេលនិយាយជាមួយគេដូចនិយាយជាមួយខ្លួនឯងដែរ មានន័យថាងាយស្រួលចុះសម្រុងគ្នា មានមហិច្ចតាដូចគ្នា ជួយលើកទឹកចិត្តគ្នា ការរាប់អានមនុស្សបែបនេះហើយដែលអ្នកអាចទុកចិត្តបាន។ 

ល្បិចនិយាយ

មនុស្សធម្មតាទឹកមាត់សាប ទោះប្រឹងនិយាយយកចិត្តគេយ៉ាងណាក៏គេមិនសូវយកចិត្តទុកដាក់ស្ដាប់ប៉ុន្មានដែរ ប៉ុន្តែបើមនុស្សប្រុសដែលមានល្បិចក្នុងការនិយាយវិញ ទោះមិនបាច់និយាយច្រើនក៏មានគេជឿទុកចិត្តដែរ។ ឆ្ងល់គេប្រើល្បិចយ៉ាងម៉េច ល្បិចបែបនេះទាមទារការវិធីនិយាយជាមុនសិន។ គេតែងចូលចិត្តសង្កេតមើលចរិតលក្ខណៈរបស់មនុស្សដែលនៅជុំវិញខ្លួនថា គេចូលចិត្តនិយាយពីអ្វី ហើយពួកគេចូលចិត្តបែបលេងសើច ចូលចិត្តបែបម៉ត់ចត់ ឬចូលចិត្តនិយាយរឿងទូទៅ។ មនុស្សប្រុសប្រើល្បិចនេះគឺគេអាចនិយាយបត់បែនបានគ្រប់កាលៈទេសៈ និយាយរួមឆាប់ចូលចំណោមគេចុះ។

ល្បិចប្រើមនុស្ស

មិនថាក្នុងការងារឬក្នុងមុខរបររកស៊ីនោះទេ ទោះបីអ្នកធ្វើជាមេគេក៏ដោយ តែបើមិនចេះវិធីគ្រប់គ្រងកូនចៅទេ មិនយូរមិនឆាប់នឹងរលំជាមិនខាន ព្រោះអ្នកខ្សោយការគ្រប់គ្រងឬមិនចេះវិធីប្រើប្រាស់កូនចៅឲ្យធ្វើការ ជួនកាលអ្នកដាក់ការងារឲ្យគេធ្វើមែន តែគេមិនយកចិត្តទុកដាក់ធ្វើការងារឲ្យតែរួចពីដៃ ជួនកាលពេលកូនចៅធ្វើអីខុស ចូលចិត្តស្ដីបន្ទោសមិនយកចិត្តទុកដាក់នឹងផ្លូវអារម្មណ៍ អាចធ្វើឲ្យពួកគេមិនមានចិត្តចង់បន្តធ្វើការ ឬធ្វើការទាំងមិនសប្បាយ នោះហើយដែលបញ្ជាក់ថាអ្នកមិនចេះគ្រប់គ្រង។ ផ្ទុយមកវិញ មនុស្សប្រុសដែលវ័យឆ្លាតគេមិនធ្វើបែបនោះទេ គេតែងតែមានល្បិចគ្រប់គ្រងកូនចៅ ចេះធ្វើការងារជាក្រុម គេប្រើវិធីយ៉ាងដើម្បីឲ្យមនុស្សជុំវិញខ្លួនចូលចិត្តធ្វើការ។ 

ល្បិចធ្វើការ

មហិច្ចតាមនុស្សប្រុសគឺសំខាន់ណាស់ បើចង់សម្រេចកិច្ចការអ្វីមួយ ត្រូវមានគោលដៅ តែមិនមែនមនុស្សប្រុសទាំងអស់សុទ្ធតែជោគជ័យឯណា មនុស្សភាគច្រើនមានទម្លាប់មួយគឺធ្វើបានតែដំបូង ឬឈប់ពាក់កណ្ដាលទី ទម្លាប់នេះនឹងកើតដ៏ដែលៗបើអ្នកមិនចេះកែ នេះបណ្ដាលមកពីអ្នកមិនចេះគ្រប់គ្រងខ្លួនឯង មិនចេះប្រើល្បិចធ្វើការងារឲ្យបានជោគជ័យ។ ល្បិចរបស់មនុស្សប្រុសដែលជោគជ័យក្នុងការងារនោះគឺ ការស្គាល់ខ្លួនឯងឲ្យច្បាស់ ស្គាល់យ៉ាងម៉េច គឺស្គាល់ពីចំណុចវិជ្ជមាននិងចំណុចអវិជ្ជមានរបស់ខ្លួន ស្គាល់ទម្លាប់ ស្គាល់ចរិត ស្គាល់ថាអ្វីដែលជម្រុញទឹកឲ្យខ្លួនខំប្រឹងធ្វើការបន្តទៅមុខមិនចុះចាញ់ រហូតដល់បានសម្រច។ 

• ជីវិត