មិនទាន់ស្ងាត់កូវីដផង ចេញឆក់បាត់ កម្មទាន់ហន់ សមត្ថកិច្ចចាប់បានទាំងសម្បុក

ភ្នំពេញ: ជារឿងដ៏សែនហួសចិត្ត និងនឹកស្មានមិនដល់មួយ ស្របពេលដែលប្រជាជនទូទាំងប្រទេសខ្វាយខ្វល់ នឹងរឿងកូវីដ ចំណែកឯជនសង្ស័យមួយក្រុមបែរទៅជាធ្វេីសកម្មភាពឆក់ទូរស័ព្ទដៃពីនារីម្នាក់បានសម្រេចនៅក្នុងសង្កាត់អូរបែកក្អម ខណ្ឌសែនសុខ​  រួចព្យាយា​មគេចខ្លួនតែត្រូវសមត្ថកិច្ចឃាត់ខ្លួនបានជាបន្តបន្ទាប់នៅផ្ទះសំណាក់មួយ​ក្នុងភូមិសាស្ត្រខណ្ឌទួលគោក។ ក្រោយកើតហេតុការណ៍នេះរួចមក ជនរងគ្រោះក៏បានមកដាក់ពាក្យបណ្ដឹងដើម្បីឱ្យសមត្ថកិច្ចជួយអន្តរាគមន៍។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ដោយមានការបញ្ជាផ្ទាល់ពីលោកវីរសេនីយ៍ឯក ហួរ ម៉េងវ៉ាង អធិការខណ្ឌសែនសុខ និងក្រោមការដឹកនាំដោយផ្ទាល់ពីសំណាក់ លោកវីរសេនីយ៍ទោ កួច សោភា អធិការរងទទួលបន្ទុកផ្នែកព្រហ្មទណ្ឌខណ្ឌសែនសុខ បានដឹកនាំកម្លាំងចុះបង្ក្រាបនិងឃាត់ខ្លួនបានជនសង្ស័យម្នាក់នៅវេលាម៉ោងប្រមាណជា៩ ព្រឹកថ្ងៃដដែលនៅក្នុងភូមិសាស្ត្រសង្កាត់អូរបែកក្អម ក្រោយពីបានធ្វើការឃាត់ខ្លួននិងសួរនាំជនសង្ស័យរួចមក សមត្ថកិច្ចបន្តទៅតាមចាប់បក្ខពួកដែរនៅសង្ងំលាក់ខ្លួននៅក្នុងផ្ទះសំណាក់(យីហោតារាពេជ្រ ម៉ូឌែន សង្កាត់ផ្សារដេប៉ូ៣​ ខណ្ឌទួលគោ​ បានចំនួន២នាក់ទៀតចំណែកបក្ខពួកម្នាក់ទៀតរត់គេចខ្លួនបាត់។និងដកហូតបានម៉ូតូចំនួន ២គ្រឿង។បន្ទាប់មលការបានបើកការបង្រ្កាបជាបន្តលើជនសង្ស័យដែលជាប់ពាក់ព័ន្ធជាបន្តរហូតដល់ឃាត់ខ្លួនបានទាំងស្រុងតែម្តង។

សូមបញ្ជាក់ផងដែរថា គិតមកត្រឹមពេលបច្ចុប្បន្នជនសង្ស័យប្រុសស្រីទាំង ១៣ នាក់សមត្ថកិច្ចកំពុងធ្វើការសួរនាំនៅអធិការនគរបាលខណ្ឌសែនសុខដើម្បីចាត់ការបន្តទៅតាមនិតិវិធីច្បាប់៕

ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូតសូមចុច៖ https://t.me/khmerload

• រូបភាព