ពិតទេដែលអ្នកវិទ្យាសាស្ត្រអះអាងថា មនុស្សពិតជាមានញាណទី៦ ដូចសត្វប្រជៀវមែន?

ជប៉ុន៖ យោងតាមវេបសាយ Popular Mechanics បានឱ្យដឹងថា អ្នកវិទ្យាសាស្ត្រនៅប្រទេសជប៉ុនថ្មីៗនេះ បានធ្វើការពិសោធន៍ដើម្បីបង្ហាញថា មនុស្សអាចមានញាណម្យ៉ាងដែលហៅថា echolocation ឬសមត្ថភាពក្នុងការកំណត់ទីតាំងវត្ថុតាមរយៈសំឡេង ដែលអាចកំណត់រូបរាងវត្ថុនានាបាន។ សមត្ថភាពនេះនឹងអាចជួយយើងឱ្យមនុស្សមើលឃើញក្នុងទីងងឹត មិនថាពេលណា ឬទីណានោះទេ។

នៅពេលសត្វប្រចៀវហោះជុំវិញវត្ថុណាមួយ ពួកវាបញ្ចោញរលកសំឡេងខ្ពស់ទៅកាន់វត្ថុនោះ ហើយរលកសំឡេងនឹងបាញ់ត្រលប់មកពួកវាវិញ។ សមត្ថភាពនេះបានជួយដល់ថនិកសត្វតូចៗឱ្យដឹងពីរូបរាង ឬចលនានៃវត្ថុនានាបាន។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

វេជ្ជបណ្ឌិត Miwa Sumiya ជាអ្នកដឹកនាំនៃការសិក្សាថ្មីនេះ បាននិយាយថា ប្រសិនបើមនុស្សមានសមត្ថភាពចេះស្តាប់សូរស័ព្ទដូចគ្នានេះ វានឹងអាចជួយយើងបានច្រើន។

ដើម្បីសាកល្បងទ្រឹស្តីនេះ ក្រុមការងាររបស់លោក Sumiya បានរៀបចំការពិសោធន៍មួយ។ នៅបន្ទប់មួយ អ្នកស្រាវជ្រាវបានឲ្យកាសដល់អ្នកចូលរួមម្នាក់មួយគូ និង tablets ពីរផ្សេងគ្នាដែលមួយសម្រាប់បង្កើតជាសំឡេង echolocation និងមួយទៀតសម្រាប់ស្តាប់សំឡេងនោះ។ នៅបន្ទប់មួយទៀត ដែលគេមិនឱ្យអ្នកចូលរួមមើលឃើញ គឺមានស៊ីឡាំងវិលមួយ។ ការសិក្សានេះបានធ្វើត្រាប់ដូចដែលសត្វប្រជៀវបញ្ចេញរលកសំឡេងទៅរកវត្ថុណាមួយដូច្នេះដែរ។

នៅទីបំផុតអ្នកស្រាវជ្រាវបានស្នើសុំឱ្យអ្នកចូលរួមកំណត់ថា តើសំឡេងដែលពួកគេមកវិញ គឺមកពីវត្ថុវិល ឬវត្ថុនៅស្ងៀម។ អ្នកចូលរួមក៏អាចកំណត់ទីតាំងស៊ីឡាំងបានមែន តែពួកគេមិនអាចកំណត់អត្តសញ្ញាណរូបរាងស៊ីឡាំងនោះបានទេ។

អ្នកស្រាវជ្រាវនិយាយថា ការងាររបស់ពួកគេគឺជាភស្ដុតាងដែលបង្ហាញថា ទាំងមនុស្សនិងសត្វប្រចៀវមានសមត្ថភាពកំណត់វត្ថុនានាបានតាមរយៈសំឡេង។ នៅពេលអនាគត គេអាចបញ្ចូលបច្ចេកវិទ្យានេះទៅក្នុងប្រភេទនាឡិកា smartwatch ឬវ៉ែនតា smart glasses ដើម្បីជួយមនុស្សដែលមើលមិនឃើញក្នុងការរុករកបាន៕

ប្រភព៖ Popular Mechanics

Join us: https://t.me/khmerload

• វិទ្យាសាស្រ្ត