រដ្ឋបាលខេត្តបន្ទាយមានជ័យ សម្រេចបិទបណ្តោះអាសន្នភូមិសាស្ត្រសិរីសោភ័ណ រយៈពេលមួយសប្តាហ៍

ខេត្តបន្ទាយមានជ័យ៖ យោងតាមសេចក្តីសម្រេចរបស់រដ្ឋបាលបន្ទាយមានជ័យ នៅថ្ងៃទី១៥ ខែឧសភា ឆ្នាំ​២០២១នេះ បានឱ្យដឹងថា រដ្ឋបាលសម្រេច បិទទីតាំងភូមិសាស្ត្រក្រុងសិរីសោភ័ណ ខេត្តបន្ទាយមានជ័យ រយៈពេល១ សប្តាហ៍ ក្នុងគោលបំណងដើម្បីទប់ស្កាត់ការឆ្លងការរីករាលដាលនៃជំងឺកូវីដ១៩ នៅក្នុងភូមិសាស្ត្រខាងលើ។

សេចក្តីសម្រេចនេះ ចាប់មានសុពលភាពចាប់ពីថ្ងៃទី១៥ ដល់ថ្ងៃទី២១ ខែឧសភា​ឆ្នាំ២០២១ ដោយចាប់ពីម៉ោង៨យប់ ដល់ម៉ោង៥ទាបភ្លឺ ជាកំហិត ហើយក៏មានករណីលើកលែងមួយចំនួនដែលបានចែងនៅក្នុងប្រការ២ នៃសេចក្តីសម្រេច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួរបញ្ជាក់ផងដែរ ការសម្រេចបិទខ្ទប់ទីតាំងភូមិសាស្ត្រសិរីសោភ័ណនេះ ធ្វើឡើងក្រោយពីរដ្ឋបាលខេត្តបន្ទាយបានរកឃើញករណីវិជ្ជមានកូវីដ១៩ ជាបន្តបន្ទាប់៕

ដើម្បីជ្រាបកាន់តែច្បាស់ សូមអានសេចក្តីសម្រេចលម្អិតខាងក្រោម៖