គួរឱ្យភ្ញាក់ផ្អើល! អតីតកងទ័ពជើងទឹកអាមេរិកចេញមុខបង្ហើបថា បានឃើញថាសហោះរាប់ភ្លេច កំឡុងពេលបំពេញការងារ (មានវីដេអូ)

អាមេរិក៖ អតីតកងទ័ពជើងទឹកអាមេរិក ឧត្តមសេនីយ៍ទោ Ryan Graves បានបង្ហើបប្រាប់យូធូបឆានែល 60 Minutes ថាលោកបានឃើញយានមិនស្គាល់អត្តសញ្ញាណ (unidentified vessels) ហោះហើរក្នុងដែនអាកាសក្បែរឆ្នេររដ្ឋ Virginia ស្ទើរតែរាល់ថ្ងៃអស់រយៈពេល2ឆ្នាំជាប់គ្នា។

អ្វីដែលលោកឃើញគឺជាវត្ថុដូចគ្នាដែលបានឃើញនៅក្នុងវីដេអូរបស់កងទ័ពជើងទឹកអាមេរិកដែលថតនៅជិតតំបន់ San Diego ដែលវាគឺជារូបភាពដែលមន្ទីរបញ្ចកោណអាមេរិកបានបញ្ជាក់ថាជាការពិតកាលពីពាក់កណ្តាលខែមេសា ហើយលោក Graves ជឿថាយានទាំងនេះជាការគំរាមកំហែងដល់សន្តិសុខ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លោក Graves ក៏បាននិយាយផងដែរថា អ្នកបើកយន្តហោះដទៃទៀតជឿជាក់ថាយានដែលមិនស្គាល់អត្តសញ្ញាណទាំងនេះអាចជាបច្ចេកវិទ្យាសម្ងាត់របស់អាមេរិក បច្ចេកវិទ្យារបស់ខ្មាំងសត្រូវ ឬអ្វីមួយផ្សេងទៀត។ គាត់ក៏បាននិយាយផងដែរថា វាអាចជាបច្ចេកវិទ្យារបស់ប្រទេសរុស្ស៊ីឬចិនក៏ថាបាន។

ទោះយ៉ាងណា យានមិនស្គាល់អត្តសញ្ញាណទាំងនេះ មានលក្ខណៈជឿនលឿនផ្នែកបច្ចេកវិទ្យាខ្លាំងជាងអ្វីដែលសហរដ្ឋអាមេរិកមានទៅទៀត។ 

មើលឃ្លីបខាងក្រោមដែលនិយាយពីបទសម្ភាសន៍នេះ៕ 

Join us: https://t.me/khmerload

• វិទ្យាសាស្រ្ត
• ជីវិត