អស្ចារ្យ! ត្រីដែលអ្នកវិទ្យាសាស្ត្រគិតថា ផុតពូជកាលពី420លានឆ្នាំមុន ស្រាប់តែត្រូវអ្នកនេសាទចាប់បាន

បរទេស៖ ត្រីមួយប្រភេទដែលធ្លាប់រស់នៅមុនសម័យដាយណូស័រទៅទៀត ត្រូវបានគេរកឃើញថានៅមានជីវិត ទោះបីអ្នកវិទ្យាសាស្ត្រធ្លាប់ជឿថាវាផុតពូជក៏ដោយ។

ត្រីដែលមានឈ្មោះថា coelacanth ត្រូវបានរកឃើញដោយក្រុមអ្នកប្រមាញ់ត្រីឆ្លាមអាហ្វ្រិកខាងត្បូងមួយក្រុម នៅមហាសមុទ្រឥណ្ឌាខាងលិច ជាប់ឆ្នេរសមុទ្រម៉ាដាហ្គាស្កា។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ត្រី Coelacanth ត្រូវបានរកឃើញម្តងទៀតជាលើកដំបូង តាំងពីគេគិតថាវាផុតពូជមក នៅក្នុងឆ្នាំ1938 ហើយក្រោយពីនោះមកអ្នកវិទ្យាសាស្ត្រសមុទ្របានអំពាវនាវឱ្យពង្រឹងវិធានការអភិរក្ស ដើម្បីការពារត្រីដែលមានអាយុកាល 420លានឆ្នាំនេះ។

យោងតាមវេទិកាអភិរក្សបរិស្ថានបានរាយការណ៍ថា ចាប់តាំងពីត្រីប្រភេទនេះបានរស់ឡើងវិញមក ពួកវាត្រូវបានគេចាប់បាននៅឆ្នេរសមុទ្រនៃប្រទេសអាហ្វ្រិកខាងត្បូង តង់ហ្សានី និងកោះ Comoros។

គេជឿថា ការរកឃើញត្រី coelacanth ឡើងវិញគឺដោយសារតែតម្រូវការព្រុយត្រីឆ្លាម និងប្រេងកើនឡើងខ្លាំង។ ប្រការនេះ បានធ្វើឱ្យអ្នកនេសាទត្រូវរាយសំណាញ់របស់ខ្លួនកាន់តែជ្រៅ ចូលទៅក្បែរកន្លែងដែលត្រី coelacanth រស់នៅ ទើបធ្វើឱ្យគេរកឃើញពួកវា។

គួរបញ្ចាក់ថា ត្រី Coelacanths ចូលចិត្តរស់នៅក្នុងទឹកជម្រៅ99ម៉ែត្រទៅ149ម៉ែត្រ៕

Join us: https://t.me/khmerload

• វិទ្យាសាស្រ្ត
• ជីវិត
• អនាគត