ចូលចិត្តញ៉ាំមិនគិត ប្រយ័ត្នប្រឈមបញ្ហាសុខភាពទាំងនេះ!

ថ្វីត្បិតតែការញ៉ាំច្រើនជ្រុលម្ដងម្កាលមិនមានផលប៉ះពាល់របស់រាងកាយយើងក៏ពិតមែន ប៉ុន្តែប្រសិនបើគ្នាយើងទម្លាប់ញ៉ាំច្រើនជាប្រចាំ វាអាចប៉ះពាល់ដល់ការឡើងទម្ងន់ ការប្រមូលផ្ដុំជាតិខ្លាញ់ និងកម្រិតជាតិស្ករក្នុងឈាម។ បន្ថែមពីនេះ ហានិភ័យសុខភាពធ្ងន់ធ្ងរនៃការញ៉ាំច្រើនក៏មានជាប់ពាក់ព័ន្ធនឹងការញ៉ាំអាហារមានកាឡូរីខ្ពស់ ដែលអាចបង្កើនផលប៉ះពាល់ដល់សុខភាពយើងទាំងមូល។

ផលប៉ះពាល់ដ៏គ្រោះថ្នាក់បណ្ដាលមកពីការញ៉ាំជ្រុលមានដូចជា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. ការប្រមូលផ្ដុំជាតិខ្លាញ់ច្រើនជ្រុល

ប្រសិនបើយើងញ៉ាំអាហារច្រើនជ្រុលជាញឹកញាប់ វានឹងធ្វើឲ្យដំណើរការរំលាយអាហាររបស់យើងមានភាពយឺតយ៉ាវ ដែលជំរុញឲ្យមានខ្លាញ់លើសនៅក្នុងរាងកាយរបស់យើង។ ជាក់ស្ដែង ការប្រមូលផ្ដុំជាតិខ្លាញ់ច្រើនហួសប្រមាណនៅក្នុងរាងកាយ ក៏ដូចជាទទួលបានសារធាតុចិញ្ចឹមច្រើនជាងអ្វីដែលរាងកាយត្រូវការ នឹងបង្កទៅជាការលើសទម្ងន់ និងធាត់ជ្រុល។

២. អាចបណ្ដាលឲ្យកើតជំងឺទឹកនោមផ្អែម

យោងតាមសមាគមជំងឺទឹកនោមផ្អែមអាមេរិក ការលើសទម្ងន់តាមរយៈការញ៉ាំជ្រុលគឺជាកត្តាចម្បងដែលធ្វើឲ្យយើងកើតជំងឺទឹកនោមផ្អែមប្រភេទ២។ បញ្ហានេះកើតឡើងដោយសារតែទម្លាប់ញ៉ាំច្រើនជាប្រចាំទៅបញ្ឈប់កោសិកាឈាម ដើម្បីបម្លែងគ្លុយកូសក្នុងឈាមទៅជាថាមពល និងធ្វើឲ្យកម្រិតជាតិស្ករក្នុងឈាមពិបាកក្នុងការគ្រប់គ្រង។ ដោយហេតុនេះ ទើបបង្កើនហានិភ័យនៃជំងឺទឹកនោមផ្អែម។

៣. បង្កើនហានិភ័យសុខភាពសរសៃឈាមបេះដូង

ជាមួយគ្នានេះដែរ ការញ៉ាំច្រើនជ្រុលអាចបង្កើនឱកាសនៃជំងឺបេះដូង និងបញ្ហាសុខភាពដទៃទៀត ពីព្រោះវាអាចបញ្ចេញអ័រម៉ូនស្រ្តេស និងអាចបង្កើនចង្វាក់បេះដូង ក៏ដូចជាសម្ពាធឈាម។ សម្រាប់អ្នកដែលមានជំងឺបេះដូងស្រាប់ ហានិភ័យនៃការកើតមានអាការៈគាំងបេះដូងអាចកើនឡើង៤ដងនៅក្នុងរយៈពេល២ម៉ោង បន្ទាប់ពីញ៉ាំអាហារច្រើន នេះបើយោងតាមការសិក្សាមួយរបស់សមាគមជំងឺទឹកនោមផ្អែមអាមេរិក។

៤. រំខានដល់ប្រព័ន្ធរំលាយអាហារ

បន្ថែមពីនេះ ការញ៉ាំអាហារដែលមិនល្អចំពោះសុខភាពច្រើនជ្រុល ក៏អាចធ្វើឲ្យប៉ះពាល់ដល់ប្រព័ន្ធ រំលាយអាហារ។ យើងអាចនឹងជួយបញ្ហានៃការរំលាយអាហារមួយចំនួន ដូចជាការចាល់អាស៊ីដ ក្រហាយទ្រូង រោគសញ្ញានៃពោះវៀនលេចធ្លាយ ហើមពោះ និងមានហ្គាស។

៥. ប៉ះពាល់ដល់មុខងារខួរក្បាល

ការញ៉ាំច្រើនជ្រុលក៏អាចប៉ះពាល់ដល់មុខងារខួរក្បាល ដោយសារតែបរិមាណច្រើននៃអាហារមានកាឡូរីខ្ពស់ អាចបង្កជាបញ្ហាបាត់បង់ការចងចាំ និងថយចុះបញ្ញាស្មារតី។ ទន្ទឹមនឹងនេះដែរ ការញ៉ាំច្រើនជ្រុលក៏អាចរំខានដល់ការផលិតUroguanylin ដែលជាអ័រម៉ូនជួយបញ្ជូនសញ្ញានៃភាពពេញលេញ និងការឆ្អែតទៅកាន់ខួរក្បាលផងដែរ។

តិចនិកបញ្ចៀសការញ៉ាំច្រើនជ្រុល

យកចិត្តទុកដាក់ចំពោះអាហារដែលយើងកំពុងតែញ៉ាំ
ញ៉ាំយឺតៗ និងទំពាអាហារឲ្យបានម៉ត់ល្អ
ញ៉ាំអាហារដែលសំបូរទៅដោយជាតិសរសៃ ដែលអាចជួយឲ្យយើងមានអារម្មណ៍ឆ្អែតបានយូរ។
ញ៉ាំអាហារដែលសំបូរទៅដោយជាតិប្រូតេអ៊ីន ដែលអាចកាត់បន្ថយកម្រិតនៃភាពឃ្លាន។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ចូលចិត្ត​ញ៉ាំ​មិនគិត​ ប្រយ័ត្ន​ប្រឈម​បញ្ហា​សុខភាព​ទាំង​នេះ​​​​​​​​​​​​​​​​​​​​​​​!

១. ការ​ប្រមូល​ផ្ដុំ​ជាតិ​ខ្លាញ់​ច្រើន​ជ្រុល​

២. ​អាច​បណ្ដាល​​ឲ្យ​កើត​ជំងឺ​​ទឹក​នោម​ផ្អែម​

៣. បង្កើន​ហានិភ័យ​សុខភាព​​​សរសៃ​ឈាម​បេះដូង​

៤. រំខាន​ដល់​ប្រព័ន្ធ​រំលាយ​អាហារ​

៥. ប៉ះពាល់​ដល់​មុខងារ​ខួរ​ក្បាល​

តិចនិក​​បញ្ចៀស​​ការ​ញ៉ាំ​ច្រើន​ជ្រុល​

In Case You Missed It