កម្រមែន! សត្វទីទុយភ្នែកពណ៌ទឹកក្រូច ត្រូវគេប្រទះឃើញជាលើកដំបូងក្នុងរយៈពេលជាង១២៥ឆ្នាំ

បរទេស៖ ជាលើកដំបូង ចាប់តាំងពីការរកឃើញរបស់សត្វនេះកាលពីជាង125ឆ្នាំមុន ឥឡូវ​អ្នកវិទ្យាសាស្ត្របានចងក្រងជាឯកសារអំពីទីទុយ Rajah Scops-Owl ដែលរស់នៅក្នុងព្រៃនៃភ្នំ Kinabalu នៃប្រទេសម៉ាឡេស៊ី។

ក្រុមអ្នកស្រាវជ្រាវមកពីមជ្ឈមណ្ឌល Smithsonian Migratory Bird Center បានប្រកាសពីការរកឃើញម្តងទៀតនៃបក្សីភ្នែកពណ៌ទឹកក្រូចនេះកាលពីខែមុន នៅក្នុងទិនានុប្បវត្តិ Wilson Journal of Ornithology រួមទាំងរូបថតដំបូងរបស់វា ដែលគេថតបាននៅក្នុងព្រៃផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងរបាយការណ៍ អ្នកបរិស្ថានវិទ្យាបានកត់សម្គាល់ថា ទោះបីជាស្ទើរតែទាំងអស់នៃមូលដ្ឋានគ្រឹះអេកូឡូស៊ីរបស់ប្រភេទសត្វនេះគឺមិនត្រូវបានគេស្គាល់ក៏ដោយ ក៏អំបូរ Otus brookii brookii នេះសមនឹងទទួលបានការដាក់ចូលក្នុងប្រភេទសត្វផងដែរ (species classification)។

សត្វទីទុយនេះត្រូវបានគេរាយការណ៍ថា មានទំហំប្រហែលមួយភាគបួនធំជាងសត្វទីទុយធម្មតាដែលមានដើមកំណើតក្នុងតំបន់ ហើយវាមានពណ៌ប្រផេះ ខ្មៅ និងពណ៌ត្នោតខ្មៅ។

គេមិនបានដឹងច្រើននោះទេអំពីអំបូរ Otus brookii brookii នេះទេ សូម្បីតែទាំងសំឡេងយំនិងទីតាំងនៃជម្រករបស់វាក៏គេមិនដឹងដែរ។ ដៃគូរបស់វាមួយទៀតដែលជាអំបូរ Otus brookii solokensis ត្រូវបានគេរកឃើញនៅកោះស៊ូម៉ាត្រា។

អ្នកស្រាវជ្រាវបានជឿជាក់ថា សត្វទីទុយនេះមិនត្រូវបានគេប្រទះជាយូរមកហើយ ពីព្រោះចំនួនរបស់ពួកវាមានតិចហើយមានតែនៅលើកោះនោះតែប៉ុណ្ណោះ ទោះបីជាអ្នកស្រាវជ្រាវអាចរកឃើញសត្វទីទុយនេះម្តងទៀតបន្ទាប់ពីការស្វែងរកអស់រយៈពេលពីរសប្តាហ៍ក៏ដោយ៕

Join us: https://t.me/khmerload

• វិទ្យាសាស្រ្ត
• ជីវិត
• ធម្មជាតិ