បវរកញ្ញាឯកចក្រវាល លើកទី៦៩ ជាអ្នកណា? ដឹងប្រវត្តិនាង បានដឹងញាក់សាច់ប៉ុណ្ណា

សហរដ្ឋអាមេរិក: ពេលវេលាទន្ទឹមរង់ចាំជាយូរមកដល់ នៅទីបំផុតស្ថាប័នបវរកញ្ញាឯកចក្រវាលពិភពលោក​ បានស្វែងរកឃើញម្ចាស់មកុដថ្មីលើកទី៦៩ ដោយបានទៅលើបវរកញ្ញា​ប្រទេស ម៉ិកស៊ីកូ នាង Andrea Meza វ័យ២៧ ឆ្នាំ និងមានកម្ពស់ ១ម៉ែត្រ ៨០សង់ទីម៉ែត្រ ដែលជាម្ចាស់មកុដបវរកញ្ញាតម្លៃ៥លាន បន្តតំណែងពីបវរកកញ្ញាប្រទេសអាហ្រ្វង់ខាងត្បូង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ នៅថ្ងៃនេះខ្មែរឡូត សូមធ្វើការបង្ហាញ ដោយលើយកនូវជីវប្រវត្តិ និងការតស៊ូ នៅក្នុងអាជីពជាបវរកញ្ញារបស់ម្ចាស់មកុដតម្លៃ ៥លានដុល្លារ  ដោយនាង Andrea Meza មកជម្រាបជូនប្រិយមិត្តដូចតទៅ៖

១/. អំពីប្រវត្តិជីវិត និងការសិក្សា

កើតនៅថ្ងៃទី ១៣ ខែសីហាឆ្នាំ ១៩៩៤ មានឪពុកឈ្មោះ Alma Carmona និង ម្តាយ Santiago Meza នាង Andrea Meza ធំដឹងក្តីនៅទីក្រុងជីហួហួ ប្រទេសម៉ិកស៊ិច នាងជាកូនស្រីច្បងក្នុងចំណោមកូនស្រី ៣ នាក់ដែលមានដើមកំណើតជាជនជាតិចិន។ ក្រោយមកនាងបានបញ្ចប់អនុវិទ្យាល័យ នៅMeza រួចបានចុះឈ្មោះចូលរៀននៅវិទ្យាល័យ និងក្រោយមកទៀតនាងបាន ចូលរៀនថ្នាក់បរិញ្ញាបត្រនៅសកលវិទ្យាល័យស្វយ័តឈីហួហួជាកន្លែងដែលនាងសិក្សាផ្នែកវិស្វកម្មសូហ្វវែរ។ នាងបានបញ្ចប់សញ្ញាប័ត្ររបស់នាងនៅឆ្នាំ ២០១៧ ហើយក្រោយមកបានចាប់ផ្តើមធ្វើការនៅម៉ិចស៊ិចជាវិស្វករ បន្ថែមលើអាជីពជាតារាម៉ូដែល។

២/. អំពីអាជីពជាតារាបង្ហាញម៉ូត:

 មានវ័យ២៧ឆ្នាំ នាងAndrea Meza មានអាជីពជាតារាបង្ហាញម៉ូតនិងធ្លាប់ជាម្ចាស់មកុដបវរកញ្ញាម៉ិចស៊ិចឆ្នាំ២០២០ ហើយនាងក៏ធ្លាប់ជាបេក្ខភាពតំណែងលំដាប់រងទី១នៃការប្រកួតបវរកញ្ញាពិភពលោក ២០១៧កាលពីពេលកន្លងទៅផងដែរ។

សូមរំលឹកផងដែលថា ក្នុងវ័យ២៧ឆ្នាំ និងផ្អែកលើបទពិសោធន៍ចាស់ឆ្នាំលើវិស័យប្រកួតបវរកញ្ញានេះ នាង Andrea Meza ត្រូវបានជ្រើសរើសជាម្ចាស់មកុដបវរកញ្ញាឯកចក្រឆ្នាំ២០២០ លើកទី៦៩ ដែលនឹងក្លាយជាបេក្ខភាពទី២ ក្នុងការគ្រងមកុដពេជ្រដែលមានតម្លែដល់ទៅ៥លានដុល្លារសហរដ្ឋអាមេរិក៕

ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូតសូមចុច៖ https://t.me/khmerload

• ម៉ូត
• ជីវិត
• រូបភាព
• តារាអន្តរជាតិ