ធ្លាក់ថ្លៃភ្លាមៗ! ក្រោយ Elon Musk ចង់បោះបង់ Bitcoin របស់ខ្លួនដែលមានទាំងប៉ុន្មានចោលទាំងអស់

បរទេស៖ នាយកប្រតិបត្តិក្រុមហ៊ុន Tesla លោក Elon Musk បានបញ្ជាក់នៅក្នុងធ្វីតធ័រកាលពីរសៀលថ្ងៃអាទិត្យថា ក្រុមហ៊ុនផលិតរថយន្តអគ្គិសនី Tesla ប្រហែលជាអាចលក់ bitcoin របស់ខ្លួនចោលទាំងអស់ ដោយការធ្វីតនេះបានធ្វើឱ្យតម្លៃរបស់ cryptocurrency មួយនេះធ្លាក់ចុះមួយរំពេច។

Bitcoin បានធ្លាក់ចុះប្រហែល 8% គឺចុះទៅប្រហែល44,000ដុល្លារក្នុងមួយកាក់វិញ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកប្រើប្រាស់បណ្តាញសង្គមធ្វីតធ័រម្នាក់ឈ្មោះ CryptoWhale បាននិយាយថា៖ «អ្នកលេង Bitcoin ទាំងអស់នឹងទះកំផ្លៀងខ្លួនឯងនៅត្រីមាសបន្ទាប់ នៅពេលពួកគេដឹងថាក្រុមហ៊ុន Tesla បានបោះបង់ចោល bitcoin ដែលនៅសល់ទាំងអស់។ @elonmusk កំពុងតែមានអ្នកស្អប់ច្រើនហើយ តែខ្ញុំនឹងមិនស្តីបន្ទោសគាត់ទេ ... »

លោក Musk ក៏បានឆ្លើយថា «ពិតហើយ»។

ការលក់ Bitcoin បានកើតឡើងកាលពីប៉ុន្មានថ្ងៃមុន បន្ទាប់ពីលោក Musk បាននិយាយថា ក្រុមហ៊ុនគ្រោងនឹងទុក bitcoin ជាជាងលក់ bitcoin ដែលខ្លួនមាន ហើយនិងមានបំណងប្រើវាសម្រាប់ប្រតិបត្តិការភ្លាមៗនៅពេលដែលការ mining របស់វាផ្លាស់ប្តូរពីប្រើប្រេងឥន្ធន: ទៅប្រើថាមពលស្អាតវិញ។ ក្រុមហ៊ុន Tesla មិនបានឆ្លើយតបភ្លាមៗចំពោះសំណើសុំការអត្ថាធិប្បាយទេ៕  

Join us: https://t.me/khmerload

• បរិស្ថាន
• ជំនួញ
• ឡាន