ក្រោយរឿងរ៉ាវគ្រួសារ មានស្ថានភាពមិនស្រួល ពេលនេះ ព្រះតេជគុណ ឌួង ឆាយ សម្រេចចិត្តលាផ្នួសហើយ

រាជធានីភ្នំពេញ ៖ បន្ទាប់ពី ញោមស្រី និងប្អូនៗ នាំគ្នាធ្វើសន្និសីទកាសែត ល្បីខ្ចរខ្ចាយ លើបណ្តាញសង្គមរួចមក ស្រាប់តែមិនបាន ប៉ុន្មានថ្ងៃផង ព្រះតេជគុណ ឌួង ឆាយ ដែលបានសាងផ្នួស ក្រោយពេល មានរឿងរញ៉េរញ៉ៃផ្ទួនៗ ទាំងរឿងលែងលះ ការវាយតម្លៃរបស់មហាជន និងការដកគោរពងារឧកញ៉ា ក្នុងពេលតែមួយ ត្រូវបាន លាចាកសិក្ខាបទ កាលពីពេលថ្មីៗនេះ រួចហើយ។

គួរបញ្ជាក់ផងដែរថា លោក ឌួង ឆាយ បានប្រាប់ឲ្យដឹង យ៉ាងដូច្នេះថា ៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ព្រះករុណា ខ្ញុំបាទ ឌួង ឆាយ បានលាចាកសិក្ខាបទមកជាឃរាវាសវិញហើយទាំងក្តីអាឡោះអាល័យជាទីបំផុត។ សូមអរព្រះគុណ និងអរគុណចំពោះព្រះគុណម្ចាស់គ្រប់ព្រះអង្គ លោកយាយ លោកតា ពូមីង ពុកម៉ែ បងប្អូនទាំងឡាយ ដែលតែងតែស្រលាញ់រាប់អាន និងគាំទ្រខ្ញុំព្រះករុណា ខ្ញុំបាទរហូតមក។ សូមអរព្រះគុណ និងអរគុណ ចំពោះព្រះគុណម្ចាស់គ្រប់ព្រះអង្គ លោកអាចារ្យ គណៈកម្មការ វត្តមុនីប្រសិទ្ធីវង្ស ជាពិសេសខ្ញុំព្រះករុណាសូមថ្លែងអំណរព្រះករុណាទិគុណយ៉ាងជ្រាលជ្រៅបំផុតចំពោះសម្តេចព្រះឧត្តមវង្សា កិតិ្តបណ្ឌិត មួង រ៉ា (លោកឪ) សម្តេចព្រះសង្ឃនាយករងទី៣ នៃព្រះរាជាណាចក្រកម្ពុជា ដែលមានព្រះទ័យសណ្តោសប្រោសប្រទានដល់ខ្ញុំព្រះករុណាបានស្នាក់អាស្រ័យក្នុងកំឡុងពេលសាងផ្នួស គុណបំណាច់ដ៏ធំធេងមួយនេះ ខ្ញុំព្រះករុណានឹងចងចាំទុកក្នុងបេះដូងជារៀងរហូត។ ជាចុងក្រោយ សូមប្រគេនពរ និងជូនពរបានរួចចាកផុតទុក្ខទាំងពួងគ្រប់ៗព្រះអង្គ គ្រប់ៗគ្នាប្រកបដោយសេចក្តីសុខជានិច្ចនិរន្តរ៍តរៀងទៅ។ សូមឱ្យពិភពលោកទាំងមូល ជាពិសេសប្រទេសកម្ពុជាបានរួចចាកផុតពីជំងឺរាតត្បាតកូវីដ-១៩ ក្នុងពេលឆាប់នេះ៕

ឌួង ឆាយ

បើចង់ដឹងឲ្យកាន់តែច្បាស់ថែមទៀតនោះ តោះទៅមើលរូបភាពខាងក្រោម ៖

ជីវិត

រូបភាព

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

ក្រោយរឿងរ៉ាវគ្រួសារ មានស្ថានភាពមិនស្រួល ពេលនេះ ព្រះតេជគុណ ឌួង ឆាយ សម្រេចចិត្តលាផ្នួសហើយ

In Case You Missed It