ញាក់សាច់! ដើម្បីសម្រេចបំណងប្រាថ្នាខ្លួន នាយកក្រុមហ៊ុន Amazon ជះលុយសុទ្ធៗ១៦លានដុល្លារ​ ដើម្បីធ្វើរឿងមួយនេះ

សហរដ្ឋអាមេរិក: លោក Jeff Bezos ដែលប្រិយមិត្ត និងមហាជន ពុកម៉ែ បងប្អូនបានស្គាល់ថា ជាស្ថានិក និងជានាយកប្រតិបត្តិក្រុមហ៊ុនលក់ទំនិញអនឡាញ និងបច្ចេកវិទ្យាដ៏ធំ ទូទាំងសកលលោក Amazon នោះបានសម្រេចចំណាយប្រាក់ ១៦,១៣លានដុល្លារសហរដ្ឋអាមេរិក ដោយទិញផ្ទះក្នុងក្តីស្រមៃរបស់លោកមួយផ្សេងទៀតរនៅក្នុង តំបន់ Manhattan ហើយក៏ស្ថិតនៅក្បែរនឹងសួន Madison Square Park ក្នុងសង្កាត់ Flatiron សហរដ្ឋ អាមេរិក។

ផ្ទះដែលលោកបានទិញនោះ មានទំហំ ៣.០៧៨ ហ្វីត មានបន្ទប់គេង ៣ បន្ទប់ទឹក ៣ មានបន្ទប់ទទួលទានអាហារខ្ពស់មួយ និងមានជញ្ជាំងថែវជាច្រើន ព្រមទាំងមានបង្អួចធំ ៗ មានពិដានខ្ពស់ៗ រំលេចទៅដោយជញ្ជាំងថ្មម៉ាបនិងតុ ព្រមទាំងមានកម្រាលជាន់ថ្ម Thassos ដែលមានកំដៅខ្លាំងថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា លោក Jeff Bezos មានអាយុ ៥៦ ឆ្នាំ ជាមហាសេដ្ឋីមានជាងគេមួយរូបក្នុងលោក ដែលមានទ្រព្យសម្បត្តិសរុបដល់ទៅ ១៤២ ពាន់លានដុល្លារ នេះបើយោងតាមការប៉ាន់ប្រមាណជាក់ស្តែងរបស់ Forbes កាលពីពេលកន្លងទៅថ្មីៗនេះ៕

• ជីវិត
• រូបភាព