ជាតារាដូច Taew ធ្វើពិធីខួបកំណើតឱ្យម្ដាយក្នុងរដូវកាលកូវីដ១៩ ក៏ត្រូវគេជេរព្រាត

ថៃ៖ Taew ដែលមហាជនគ្រប់គ្នាស្គាល់ថាជាតារាសម្ដែងដ៏មានប្រជាប្រិយភាព ក្នុងវិស័យសិល្បៈ ព្រមទាំងជានារីម្នាក់ដែលតែងតែរួចផុតពីជំងឺកូវីដ១៩ រហូតគេផ្ដល់ងារឱ្យថាព្រះម៉ែនាគីរហូតមក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញកាលពីពេលកន្លងទៅថ្មីៗនេះ Taew នាងបានរៀបចំកម្មពិធីខួបកំណើតឱ្យអ្នកម្ដាយរបស់នាងយ៉ាងអធិកអធម ។ ក្នុងនោះមានបងប្អូនសាច់ញាតិជាច្រើនបានមកចូលរួម ជាពិសេសក៏មានវត្តមានរបស់គូស្នេហ៍រូបសង្ហាររបស់នាងបានចូលរួមផងដែរ​  ដែលធ្វើឱ្យបរិយាកាសកាន់តែសប្បាយរីករាយ។

ប៉ុន្តែកម្មពិធីមួយនេះបានធ្វើឱ្យអ្នកលេងក្នុងបណ្ដាញសង្គមមួយចំនួនចូលមករិះគន់យ៉ាងព្រោងព្រាត និង យ៉ាងចាស់ដៃ ពាក់ព័ន្ធនឹង Taew ដែលក្នុងនាមនាងជាតារាម្នាក់ព្រមទាំងជាជនគំរូម្នាក់បែរជាធ្វើពិធីខួបកំណើតនេះឡើងមកដោយមិនខ្លាចញញើតនឹងជំងឺកូវីដ១៩ដែលកំពុងតែរីករាលដាលពីមួយថ្ងៃទៅមួយថ្ងៃ រហូតជិតខ្ទង់ម៉ឺននាក់ ដែលជារឿងគួរឱ្យបារម្ភសម្រាប់មនុស្សគ្រប់គ្នា។ក្នុងនោះក៏មានការរិះគន់ជាមួយនឹងការមិនពាក់ម៉ាសការពារ និង មិនមានគម្លាតពីគ្នា ដែលវាស្ទើរតែខុលទាំងស្រុង ពីគោលការណ៍របស់ក្រសួងសុខភិបាលដែលបានកំណត់៕

ប្រភព៖ Khaosod 

  Join Us ៖ https://t.me/khmerload

• តារាថៃ