ដឹងអត់ថា ពិធីការិនីមុខមិនសូវរីកកាលពីម្សិលមិញនេះជានរណា? តោះមកស្គាល់​ប្រវត្តិត្រួសៗ

សហរដ្ឋអាមេរិក: មហាជន និងអ្នកនិយមគាំទ្រកម្មវិធីប្រកួតបវរកញ្ញាឯកចក្រវាល ដែលបានបញ្ចប់កាលពីម្សិលមិញនោះ ច្បាស់ណាស់ពិតជាបានស្គាល់ និងបានឃើញពិធីការិនីមួយរូប ដែលជាអតីតម្ចាស់មកុដឆ្នាំ២០១២ លេចមុខធ្វើជាពិធីការិនីក្នុងកម្មវិធី ក៏ប៉ុន្តែទឹកមុខ និងកាយវិការរបស់នាង បានធ្វើឲ្យមហាជន និងហ្វេនៗមានការកត់សម្គាល់ជាខ្លាំង ដោយនាងបានបញ្ចេញមុខស្ងួត និងមិនសូវសប្បាយចិត្ត ព្រមទាំងរស់រវើកក្នុងការអត្ថាធិប្បាយកម្មវិធីថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ ងាកមកមើលពីប្រវត្តិខ្លះរបស់ពិធីការិនីរូបនេះវិញ នាងមានឈ្មោះថា Olivia Frances Culpo (កើត នៅថ្ងៃទី៨ ឧសភា ១៩៩២ បន្ទាប់ពីបានទទួលជ័យលាភីជាបវរកញ្ញាសហរដ្ឋអាមេរិករួចមក នាងក៏បានបន្តតំណាងជាតិអាមេរិក ចូលរួមប្រកួតក្នុងកម្មវិធី Miss Universe ឆ្នាំ២០១២​ ដោយនាងបានក្លាយទៅជាម្ចាស់មកុដនៅក្នុងកម្មវិធីប្រកួតកាលពីពេលនោះផងដែរ។

ដោយឡែកចំពោះរឿងឯកជន និងប្រវតិ្តសិក្សារបស់នាងឯណេះវិញ ក៏មិនធម្មតាដែរ ដោយនាងគឺជាកូនស្រីកណ្តាលក្នុងចំណោមបងប្អូន ៥ នាក់។ ឪពុករបស់នាងជាសហម្ចាស់អាជីវកម្មនៅបូស្តុន។ នាងត្រូវបានធំដឹងក្តីនៅក្នុងសង្កាត់ Edgewood នៃ Cranston ដោយម្ដាយរបស់នាង មានដើមកំណើតអ៊ីតាលី និងអៀរឡង់រួមបញ្ចូលគ្នា។ Olivia Culpo បានចូលរៀននៅ សាលាSt. Mary Academy - Bay View ហើយក្រោយបានបន្តការសិក្សាទៅកាន់សាកលវិទ្យាល័យបូស្តុនបន្ត។ នាងក៏មានជំនាញផ្នែកតន្រ្តី ដោយនាងធ្លាប់បានចូលរួមនៅមជ្ឈមណ្ឌលតន្ត្រីប្រូស្តាតនៅ ក្នុងទីក្រុង Brevard រដ្ឋ North Carolina ក្នុងកំឡុងពេលនៃកុមារភាពរបស់នាង។

សូមរំលឹកផងដែលថា ដោយសារតែទេពកោសល្យ គួបផ្សំនិងសមត្ថភាព និងសម្រស់ដ៏ស្រស់ស្អាតរបស់នាង Olivia Frances Culpo ហេតុដូច្នេះហើយជានាងត្រូវបានគណគ្រប់គ្រងស្ថាប័ន Miss Universe ជ្រើសតាំងជាពិធីការិនីក្នុងកម្មវិធីប្រកួតបវរកញ្ញាឯកចក្រវាលលើកទី៦៩កាលពីពេលកន្លងទៅ ដោយមកុដតម្លៃ៥លានដុល្លារ បានទៅលើបវរកញ្ញាដែលមកពីប្រទេសម៉ិចស៊ិកកូ៕

• ជីវិត
• រូបភាព
• តារាអន្តរជាតិ