ហួសចិត្ត! សក់ត្រឹមតែ ៦សរសៃ របស់តារាចម្រៀងរូបនេះកាលនៅរស់ ត្រូវបានដេញថ្លៃរាប់ម៉ឺនដុល្លារ

បរទេស៖ យោងទៅតាមគេហទំព័រ Louder Sound បានរាយការណ៍មកថា សក់ចំនួន ៦ សរសៃរបស់តារាចម្រៀង Kurt Cobain ដែលជាអ្នកដឹកនាំក្រុមចម្រៀង Nirvana បានទទួលមរណភាពកាលពីឆ្នាំ ១៩៩៤ ត្រូវបានដាក់លក់ក្នុងកម្មវិធីការដេញថ្លៃមួយ។

ដោយឡែក​អ្នករៀបចំកម្មវិធី បានប្រាប់ថា វត្ថុបុរាណដ៏កម្រនេះ ត្រូវបានលក់ជាមួយរូបថតរបស់តារាចម្រៀង ជាមួយស្ត្រីម្នាក់មានឈ្មោះថា Tessa Osbourne ដើម្បីបញ្ជាក់ថាសក់ទាំងនោះពិតជាមានមែន ដែលរូបនាងបានថតរូបជាច្រើនសន្លឹក ហើយបានកាន់កន្ត្រៃដើម្បីកាត់សក់ប្រវែងប្រហែល ១៨ សម។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាងអ្នកតំណាង ក៏ដូចជាអ្នករៀបចំការដេញថ្លៃមួយនេះ បាននិយាយថាសក់របស់តារាចម្រៀង Kurt Cobain ចំនួន ៦ សរសៃនេះ ត្រូវបានទិញដោយអតិថិជនដែលមិនបញ្ចេញឈ្មោះកាលពីថ្ងៃទី ៦ ឧសភា ដោយមានតម្លៃរហូតដល់ ១៤,០០០ ដុល្លារ។

គួររំលឹកផងដែរថា​​ ក្រុមតន្រ្តី Nirvana គឺក្រុមចម្រៀងដែលមានប្រជាប្រិយខ្លាំងកាលពីអតីតកាល បន្ទាប់ពីបានល្បី មួយឆ្នាំចុងក្រោយនៃជីវិតរបស់មេក្រុម Cobain ក៏បានទទួលរងពីជំងឺធ្លាក់ទឹកចិត្ត និងការប្រើប្រាស់ញៀនថ្នាំ។ យោងទៅតាម HWD តារាចម្រៀងប្រុសបានស្លាប់នៅឆ្នាំ ១៩៩៤ មូលហេតុនៃការធ្វើអត្តឃាតដោយបាញ់កាំភ្លើង៕

សូមទស្សនារូបភាពខាងក្រោម៖

• តារាអន្តរជាតិ