ពិតណាស់ រមៀតមិនត្រឹមតែជាគ្រឿងទេសក្នុងផ្ទះបាយដ៏ពេញនិយមប៉ុណ្ណោះទេ វាក៏មានអត្ថប្រយោជន៍យ៉ាងច្រើនចំពោះស្បែកផងដែរ។ នៅពេលដែលយើងលាបវានៅលើស្បែក សារធាតុប្រឆាំងអុកស៊ីតកម្ម ប្រឆាំងនឹងបាក់តេរី និងការរលាកពីធម្មជាតិអាចព្យាបាលបញ្ហាស្បែកផ្សេងៗបានយ៉ាងស័ក្ដិសិទ្ធិ។ ការប្រើប្រាស់រមៀតដ៏ពេញនិយមមួយ គឺម៉ាសរមៀត ដោយលាយជាមួយនឹងទឹកដោះគោជូរ ទឹកឃ្មុំ ឬទឹកដោះគោ។
អត្ថប្រយោជន៍សំខាន់ៗនៃរមៀតចំពោះស្បែក
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស១. មុន
ដោយសារតែមុនគឺជាជំងឺរលាកមួយ ម៉ាសរមៀតដែលមានសារធាតុប្រឆាំងការរលាកពីធម្មជាតិ អាចជួយកាត់បន្ថយស្លាកស្នាមផ្សេងៗនៃស្បែក និងជួយឲ្យស្បែកឆាប់ជាសះស្បើយ។
២. ត្រអក
ជំងឺត្រអកមានលេចចេញស្នាមក្រហមតូចៗ ដែលរមាស់ និងឈឺចាប់។ ស្រដៀងទៅនឹងប្រសិទ្ធភាពក្នុងការព្យាបាលមុនដែរ រមៀតអាចជួយធ្វើឲ្យស្បែកឆាប់ជាសះស្បើយ និងកាត់បន្ថយស្នាមក្រហមនៃស្បែក ព្រមទាំងការរលាកថែមទៀតផង។
៣. ជួយស្បែក
ស្រីៗជាច្រើននៅបណ្ដាប្រទេសអាស៊ីតែងតែប្រើប្រាស់ម៉ាសរមៀត ដើម្បីជួយឲ្យស្បែកត្រលប់មករកភាពវ័យក្មេង និងកាត់បន្ថយបញ្ហាជ្រីវជ្រួញនៃស្បែក។ ការប្រើប្រាស់ម៉ាសរមៀតជាប្រចាំ អាចជួយឲ្យពណ៌ស្បែកភ្លឺថ្លាជាងមុន ក៏ដូចជាធ្វើឲ្យស្បែកទន់រលោងស្អាត។
តិចនិកក្នុងការប្រើប្រាស់ម៉ាសរមៀត
ស្រីៗយើងអាចលាយម្សៅរមៀតចំនួនពីរស្លាបព្រាបាយជាមួយនឹងទឹកឃ្មុំ ទឹកដោះគោជូរ ឬទឹកដោះគោ បន្ទាប់មកកូរវាឲ្យសព្វល្អ មុននឹងលាបវានៅលើផ្ទៃមុខដែលលាងសម្អាតរួច។ ទុកចោលរយៈពេល២០នាទី មុននឹងលាងសម្អាតជាមួយនឹងទឹកក្ដៅឧណ្ហៗជាការស្រេច។
ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕
អត្ថបទផ្ដល់សិទ្ធិដោយ Hello Krupet
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
