អតីតរដ្ឋមន្ត្រីព័ត៌មាន ក្នុងសម័យសាធារណរដ្ឋខ្មែរ ទទួលមរណភាព​ នៅអាមេរិក

អាមេរិក៖ អតីតរដ្ឋមន្ត្រីឃោសនាការ និង ព័ត៍មាន នៃរបបសាធារណរដ្ឋខ្មែរ លោក ឆាង សុង បានទទួលមរណភាពហើយ នៅក្នុងវ័យ៨២ឆ្នាំ នាទីក្រុងឡុងប៊ិច រដ្ឋកាលីហ្វ័រញ៉ា សហរដ្ឋអាមេរិក។

យោងតាមការបង្ហោះបញ្ជាក់ជាផ្លូវការពីហ្វេសប៊ុករបស់ លោកស្រី អេង លីគង ដែលត្រូវជាក្មួយស្រីរបស់លោក ឆាង សុង ក្នុងនោះដែរ លោកស្រី បានសរសេររៀបរាប់ទាំងសោកស្តាយដូច្នេះថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ក្មួយពិតជាមានការសោកស្តាយលោកពូជាខ្លាំងសម្រាប់ការបាត់បង់ធនធានមនុស្សដូចជាលោកពូ និងសោកស្តាយដោយមិនបានទៅចូលរួមបុណ្យសព ដោយផ្ទាល់នៅលើទឹកដីសហរដ្ឋអាមេរិក។ — លោកស្រី អេង លីគង

គួររំលឹកផងដែរថា លោក ឆាង សុង គឺជារដ្ឋមន្ត្រីក្រសួងព័ត៍មាននៃរបបសាធារណរដ្ឋខ្មែរ ស្ថិតក្រោមការដឹកនាំរបស់លោកសេនាប្រមុខ លន់ នល់ ចាប់ពីឆ្នាំ ១៩៧០ ដល់ឆ្នាំ១៩៧៥ ដែលក្នុងនោះ លោក​ ឆាង សុង បានរួចជីវិត ដោយបានភៀសខ្លួនទៅរស់នៅលើទឹកដីសហរដ្ឋអាមេរិក៕