ការហើយភ្លាម Arina Grande ដឹកដៃស្វាមីចូលទៅនៅវីឡាតម្លៃក្បែរ ៧លានដុល្លារ

បរទេស៖ តាមវេបសាយ SMCP បានរាយការណ៍ថា កន្លែងដែលរៀបអាពាហ៍ពិពាហ៍របស់តារាចម្រៀងស្រី Ariana  Grande និងលោក Dalton Gomez បានប្រព្រឹត្តនៅ គេហដ្ឋានឯកជនមួយរបស់នាងនៅឯរដ្ឋ California សហរដ្ឋអាមេរិក ដែលតារាស្រីរូបនេះ បានទិញកាលពីខែមិថុនាឆ្នាំ ២០២០ ក្នុងតម្លៃជិត ៧ លានដុល្លារ។

ទន្ទឹមនឹងនេះដែរ ផ្ទះរបស់ Ariana Grande ត្រូវបានសាងសង់តាមរចនាបថស្ថាបត្យកម្មអង់គ្លេស Tudor ដោយមានតំបន់ពីរដាច់ដោយឡែកពីគ្នា ថែមទាំងយកលំនាំផ្ទះបុរាណក្នុងព្រេងនិទាន របស់ចក្រភពអង់គ្លេសទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

លក្ខណៈពិសេសនៃផ្ទះមួយនេះ មានបន្ទប់គេងពីរ និងបន្ទប់ផ្សេងៗទៀត ចំនួនបួន វាមានកម្ពស់ពីជាន់ បង្អួចបុរាណ ដែលបានដេក័រជាមួយថ្មឥដ្ឋដែលមើលទៅពិតប្លែកភ្នែក ខុសពីវីឡាដទៃទៀត។ បន្ថែមពីនេះ តារាស្រីរូបនេះ បានឲ្យគេសាងសង់កន្លែងហាត់ប្រាណមួយដែលមានបរិក្ខាពេញលេញដូច្នេះដែរ។

តួយ៉ាងផ្ទះរបស់ផ្ទះរបស់នាង មានទីតាំងស្ថិតនៅតំបន់ដាច់ស្រយាលមួយដែលមានដើមឈើជាច្រើន និងមានការធានាសុវត្ថិភាព ដែលអ្នកជិតខាងរបស់នាង​ សុទ្ធតែតារាល្បីៗជួរមុខ ក្នុងវិស័យហូលីវូដ ក៏ដូចជាឥស្សរជន និងអ្នកអភិជនមួយចំនួនផងដែរ។

គួររំលឹកផងដែរថា Ariana Grande ទើបតែរៀបចំពិធីរៀបអាពាហ៍ពិពាហ៍យ៉ាងស្ងប់ស្ងាត់ជាមួយ Dalton Gomez កាលពីខែឧសភាដោយមានការចូលរួមពីមនុស្សប្រមាណ ២០ នាក់​ នៅក្នុងគេហដ្ឋានមួយនេះ បានទទួលភាពកក់ក្តៅយ៉ាងពេញលេញពីគ្រួសារ និងមិត្តភក្តិជិតស្និទ្ធ ដែលបានចូលរួមអាពាហ៍ពិពាហ៍របស់ពួកគេ៕

សូមទស្សនារូបភាពខាងក្រោម៖

• តារាអន្តរជាតិ