ខឹងគណៈកម្មការដាក់ពិន្ទុមិនសូវសុក្រឹត សេដ្ឋីនីថៃភេទទី៣ម្នាក់នេះ ជះលុយរាប់សិបលាន ទិញភាគហ៊ុន Miss Universe

ថៃ: កាលពីពេលថ្មីៗនេះ នាង Anne Jakrajutatip ដែលមហាជនថៃបានស្គាល់ថាជាសេដ្ឋីនីជនជាតិថៃភេទទី៣ ដែល​មានជាងគេក្នុងប្រទេស​ បាន​ចេញ​មុខ​បញ្ជាក់​ថា ខ្លួន​បាន​នឹង​កំពុងតែ ​រៀប​ចំ​ឯកសារ ​រត់​ការ​ទិញ​ភាគហ៊ុន​របស់​Miss Universe ចំនួន​៥១ភាគរយ  ដោយ​ចាយ​លុយសុទ្ធ​តែម្តង ហើយបានសន្យាដោយបញ្ជាក់យ៉ាងច្បាស់ៗថា ​ឆ្នាំ​ក្រោយ​ៗទៀត នឹង​ដាក់ពិន្ទុ​ឲ្យសុក្រឹត យុត្តិធម៌បំផុត ព្រមទាំងរៀបចំដំណើរការប្រកួត​ឲ្យបាន​ល្អជាងឆ្នាំណាៗទាំងអស់ផងដែរ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា ក្រោយខកខានគ្រងមកុដបវរកញ្ញាឯកចក្រវាលពិភពលោកលើកទី៦៩ មហាជន និងតារាថៃល្បីៗមួយចំនួនបានសម្តែងមតិមិនសូវពេញចិត្តប៉ុន្មានទេចំពោះពិន្ទុ និងលទ្ធផលដែលទទួលបានខណ:បវរកញ្ញាជើងខ្លាំងថៃ ប្រកបដោយសមត្ថភាព និងទេពកោល្យព្រមទាំងភាពស្រស់ស្អាត Amanda បានត្រឹមឈរជាដំណែងTop១០ ក្នុងការប្រកួត ដោយម្ចាស់មកុដបវរកញ្ញាឯកចក្រវាលពិភពលោកលើកទី៦៩ ដោយតម្លៃមកុដប្រមាណជាង៥លានដុល្លារបានទៅលើបវរកញ្ញាប្រទេសម៉ិចស៊ិកកូទៅវិញ៕

ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូតសូមចុច៖ https://t.me/khmerload

• រូបភាព
• តារាថៃ