តារាសម្តែងស្រី ម៉ិច ម៉ារីកា រកឃើញឆ្លងកូវីដ១៩៖ កុំគិតឱ្យសោះថា ចាក់​ថ្នាំ​១ដង ២ដងហើយមិន​ឆ្លង​នោះ

រាជធានីភ្នំពេញ៖ យោងតាមការបញ្ជាក់របស់តារាសម្តែងស្រី ម៉ិច ម៉ារីកា នៅលើបណ្តាញសង្គមហ្វេសប៊ុក បានប្រកាសថា រូបនាង បានធ្វើតេស្តវិជ្ជមានកូវីដ១៩ បន្ទាប់ពីបានប៉ះពាល់ផ្ទាល់ជាមួយអ្នកជំងឺកូវីដ១៩ ម្នាក់។

ក្នុងនោះដែរ តារាសម្តែងស្រីរូបនេះ បានសរសេរបង្ហោះគណនីហ្វេសប៊ុករបស់នាងដូច្នេះថា៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

កញ្ញា ម៉ិច ម៉ារីកា បានបន្ថែមទៀតថា៖ គ្រាន់តែដឹងថា គាត់​មាន (វិជ្ជមានកូវីដ-១៩) ​ភ្លាម នាង​ខ្ញុំ​បាន​មក​ធ្វើ​សំណាក​ភា្ល​ម ឃើញ​ថានាង​ខ្ញុំ​មាន​ផ្ទុក​វិជ្ជមានCOVID-19 មើលងាយ​មិន​បាន​ទេបងប្អូន​ ចូរ​ប្រុង​ប្រយ័ត្នការពារ​ឱ្យ​បាន​តឹង​រឹងទាំងអស់គ្នាកុំឱ្យ​មានការ​សោកស្តាយ​ដូច​នាង​ខ្ញុំ។

ទន្ទឹមនឹងនោះដែរ តារាសម្តែងស្រីរូបនេះ បានអំពាវនាវដល់បងប្អូនទាំងអស់គ្នា មេត្តាប្រុងប្រយ័ត្ន ជៀសវាងមានការសោកស្តាយដូចរូបនាងដែរ។

គួរបញ្ជាក់ផងដែរថា មកទល់ពេលនេះ កញ្ញា ម៉ិច ម៉ារីកា កំពុងតែសម្រាកព្យាបាលនៅមជ្ឈមណ្ឌលដឺព្រេមៀសែនសុខ (ជិតផ្សារអ៊ីអន២) បន្ទាប់ពីធ្វើតេស្តឃើញវិជ្ជមានកូវីដ១៩៕