កម្ពុជា៖ ការឆ្លងរាលដាលនៃជំងឺកូវីដ១៩ នៅតែបន្តកើនឡើងឥតស្រាន្ត ទាំងនៅរាជធានីភ្នំពេញ និងនៅតាមបណ្តាខេត្ត ក៏នៅតែបន្តរកឃើញជារៀងរាល់ថ្ងៃ។ គិតត្រឹមថ្ងៃទី២៤ ខែឧសភា ឆ្នាំ២០២១នេះ រដ្ឋបាលនៃខេត្តបីនេះ រួមមានខេត្តព្រះសីហនុ បានរកករណីឆ្លងចំនួន៦៥ករណី ខេត្តតាកែវ រកឃើញអ្នកឆ្លងថ្មីចំនួន៤៩នាក់ និង ខេត្តបន្ទាយមានជ័យ ត្រូវបានរកឃើញចំនួន ៨០នាក់។
ខេត្តបន្ទាយមានជ័យ
ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័សក្នុងនោះដែរ ខេត្តបន្ទាយមានជ័យ បានប្រកាសរកឃើញអ្នកឆ្លង៨០នាក់ ដែលជាអ្នកប៉ោយប៉ែត និងក្នុងចំណោមអ្នកឆ្លងទាំងនោះ ជាពលករមកពីថៃ បុគ្គលិកកាស៊ីណូ កម្មកររោងចក្រ និងអាជីវករ។
ខេត្តព្រះសីហនុ
អាជ្ញាធរខេត្តព្រះសីហនុ បានប្រកាសរកឃើញអ្នកឆ្លងថ្មី ៦៥នាក់ទៀត ដែលសុទ្ធសឹងជាកម្មករោងចក្រ និងអាជីវករព្រមទាំងក្រុមគ្រួសារពួកគេ។ តាមសេចក្តីជូនដំណឹងរបស់រដ្ឋបាលខេត្តព្រះសីហនុ ក្នុងចំណោមអ្នកឆ្លងថ្មីទាំង ៦៥នាក់នេះ មាន៤៦នាក់ មានអាសយដ្ឋានរស់នៅឃុំបិតត្រាំង, ឃុំវាលរេញ, ឃុំព្រៃនប់,ឃុំអូរឧកញ៉ាហេង និងឃុំរាម ស្រុកព្រៃនប់។ ១២នាក់រស់នៅសង្កាត់លេខ១ ក្រុងព្រះសីហនុ, សង្កាត់លេខ៤ចំនួន ៦នាក់, សង្កាត់លេខ៣ ចំនួន ១នាក់។
ខេត្តតាកែវ
ខេត្តតាកែវ បានប្រកាសបន្តរកឃើញអ្នកឆ្លងកូវីដ-១៩ ចំនួន ៥៣នាក់ ដែលភាគច្រើនជាកម្មកររោងចក្រសាន់បូ និងអាជីវករផ្សារសំរោងយ៉ោង។ តាមសេចក្តីជូនដំណឹងរបស់រដ្ឋបាលខេត្តតាកែវ អ្នកវិជ្ជមានកូវីដ១៩ ចំនួន ៥៣នាក់ ដែលភាគច្រើន មានអាស័យដ្ឋាននៅភូមិស្មៅខ្ចី ឃុំត្រពាំងសាប ស្រុកបាទី៕
បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected]
(3) LINE, VIBER: 098282890 (4)
តាមរយៈទំព័រហ្វេសប៊ុកខ្មែរឡូត https://www.facebook.com/khmerload
ចូលចិត្តផ្នែក សង្គម និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]
