មានជំងឺលើសសម្ពាធឈាម គួរធ្វើម៉េចខ្លះទើបមិនគ្រោះថ្នាក់ធ្ងន់ធ្ងរ?

លើសសម្ពាធឈាម ជាជំងឺធ្ងន់ធ្ងរមួយដែលអាចបង្កើនហានិភ័យ នៃជំងឺបេះដូង សរសៃឈាម ខួរក្បាល តម្រងនោម និងជំងឺដទៃទៀត នេះបើតាមអង្គការសុខភាពពិភពលោក (WHO)។ ចំពោះអ្នកមានដែលមានជំងឺលើសសម្ពាធឈាម គួរធ្វើតាមការណែនាំខាងក្រោមនេះ ទើបមិនគ្រោះថ្នាក់ធ្ងន់ធ្ងរដល់សុខភាព។

១. ពិនិត្យសម្ពាធឈាមឲ្យបានញឹកញាប់

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

អ្នកមានជំងឺលើសឈាមត្រូវវាស់សម្ពាធឈាមដោយខ្លួនឯងឲ្យបានញឹកញាប់ តែមុននឹងវាស់ត្រូវសម្រាក ៤-៥នាទី ចៀសវាងការវាស់សម្ពាធឈាមពេលមានអារម្មណ៍មិនស្រួល ធុញថប់ជាដើម។

២. ញ៉ាំថ្នាំបញ្ចុះសម្ពាធឈាមរាល់ថ្ងៃ

លើសសម្ពាធឈាមជាជំងឺរ៉ាំរ៉ៃដែលទាមទារឲ្យប្រើថ្នាំមួយជីវិត ហើយអ្នកជំងឺត្រូវលេបថ្នាំបញ្ចុះឈាមរាល់ថ្ងៃតាមវេជ្ជបញ្ជា ទោះបីសម្ពាធយើងវាស់ទៅឃើញធម្មតាក៏ដោយ។

៣. បញ្ចុះទម្ងន់បើលើស

ឧស្សាហ៍ថ្លឹងគីឡូមើល៍ បើសិនសង្កេតឃើញគីឡូឡើងលើសនោះ ត្រូវប្រញាប់បញ្ចុះទម្ងន់ និងញ៉ាំអាហារសុខភាព ដូចជាអាហារសម្បូរកាកសរសៃច្រើន មានបន្លែផ្លែឈើ ញ៉ាំអាហារដែលមានជាតិខ្លាញ់តិច កាត់បន្ថយចំណីអាហារ និងភេសជ្ជៈមានកាឡូរីខ្ពស់។

៤. កាត់បន្ថយការញ៉ាំប្រៃ

អាហារប្រៃបង្កើនហានិភ័យដល់សម្ពាធឈាម ដូច្នេះទាំងអ្នកដែលមានជំងឺលើសសម្ពាធឈាម ឬមិនមានក៏ដោយ ត្រូវកាត់បន្ថយអំបិលក្នុងការចម្អិនអាហារ មិនត្រូវញ៉ាំប្រៃខ្លាំងនោះទេ។ ក្នុង១ថ្ងៃ អង្គការសុខភាពពិភពលោក ណែនាំឲ្យញ៉ាំអំបិលត្រឹមតែ ៥ក្រាម ឬ ១ស្លាបព្រាកាហ្វេប៉ុណ្ណោះ។

៥. បញ្ឈប់ការជក់បារី-កាត់បន្ថយគ្រឿងស្រវឹង

ការផ្លាស់ប្តូររបៀបរស់នៅជារឿងសំខាន់ ក្នុងនោះការឈប់ជក់បារី អាចការពារជំងឺបេះដូង សរសៃឈាម និងជំងឺផ្សេងៗជាច្រើនទៀត។ ចំណែកការផឹកគ្រឿងស្រវឹងជាប្រចាំ ឬច្រើនលើសកម្រិត អាចធ្វើឲ្យសម្ពាធឈាមអ្នកជំងឺកើនខ្ពស់ និងធ្វើឲ្យប្រសិទ្ធភាពថ្នាំបញ្ចុះសម្ពាធឈាមថយចុះ។

៦. ហាត់ប្រាណឲ្យទៀងទាត់ និងត្រូវកាត់បន្ថយស្ត្រេស

យើងគួរហាត់ប្រាណយ៉ាងតិច ៣០នាទី/ថ្ងៃ ដូចជា ដើរ រត់ ជិះកង់ ឬធ្វើសកម្មភាពកីឡាផ្សេងទៀត និងត្រូវកាត់បន្ថយស្ត្រេស ហើយគេងឲ្យបានគ្រប់គ្រាន់ ទើបរាងកាយរឹងមាំ អាចការពារផលប៉ះពាល់ដល់បេះដូង និងសរសៃឈាម។ បន្ថែមពីនោះអ្នកជំងឺលើសសម្ពាធឈាមត្រូវតាមដានសុខភាពតាមការណាត់ជួយជាមួយគ្រូពេទ្យអោយបានជាប់លាប់។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

មានជំងឺលើសសម្ពាធឈាម គួរធ្វើម៉េចខ្លះទើបមិនគ្រោះថ្នាក់ធ្ងន់ធ្ងរ?

១. ពិនិត្យ​សម្ពាធ​ឈាម​ឲ្យ​បាន​ញឹក​ញាប់

២. ញ៉ាំ​ថ្នាំ​បញ្ចុះ​សម្ពាធ​ឈាម​រាល់​ថ្ងៃ

៣. បញ្ចុះ​ទម្ងន់​បើ​លើស

៤. កាត់​បន្ថយ​ការ​ញ៉ាំ​ប្រៃ

៥. បញ្ឈប់​ការ​ជក់បារី-កាត់​បន្ថយ​គ្រឿង​ស្រវឹង

៦. ហាត់​ប្រាណ​ឲ្យ​ទៀង​ទាត់ និង​ត្រូវ​កាត់​បន្ថយ​ស្ត្រេស

In Case You Missed It