អស់ក្តីបារម្ភ បវរកញ្ញាមីយ៉ាន់ម៉ា​ បានសុំសិទ្ធជ្រកកោនបណ្ដោះអាសន្ន លើទឹកដីសហរដ្ឋអាមេរិក

បរទេស៖ កាលពីថ្មីៗនេះ មានគេរាយការណ៍មកថា បវរកញ្ញាចក្រវាលមីយ៉ាន់ម៉ា Candy Thuzar នឹងមិនត្រឡប់ទៅមីយ៉ាន់ម៉ានោះវិញទេ ព្រោះបារម្ភពីសុវត្ថិភាពអាយុជីវិត បវរកញ្ញា Top 21 រូបនេះ បានដាក់ពាក្យទៅស្នាក់នៅសហរដ្ឋអាមេរិកក្រោមសិទ្ធ ជនជ្រកកោនបណ្តោះអាសន្ន។

ជាក់ស្តែង បវរកញ្ញាចក្រវាលមីយ៉ាន់ម៉ា Candy Thuzar ឆ្នាំ ២០២០ ត្រូវបានស្វាគមន៍ដោយជនជាតិរបស់ខ្លួនលើទឹកដីអាមេរិក នៅឯ Indianapolis ក្នុងរដ្ឋ Indiana ។ នេះយោងទៅតាមប្រភពដដែល ចាប់ពីពេលនេះទៅបវរកញ្ញារូបនេះ នឹងរស់នៅក្នុងសហរដ្ឋអាមេរិកជាជនភៀសខ្លួនមួយរយៈ ហើយចាប់ផ្តើមអាជីពថ្មីនៅទីនេះ ដោយនាងនឹងធ្វើជាគំរូសកម្មជនសង្គម និងជួយសហគមន៍មីយ៉ាន់ម៉ា ដែលនៅអាមេរិក។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរថា Candy Thuzar បានដាក់ពាក្យសុំសិទ្ធិជ្រកកោននៅសហរដ្ឋអាមេរិកបន្ទាប់ពីបញ្ចប់ការប្រកួតបវរកញ្ញាចក្រវាលនៅរដ្ឋផ្លរីដាកាលពីថ្ងៃទី ១៦ ខែឧសភា ព្រោះតែខ្លាចនឹងត្រូវចាប់ខ្លួន នៅពេលនាងត្រឡប់មកប្រទេសមីយ៉ាន់ម៉ាវិញ ពីព្រោះក្នុងអំឡុងពេលប្រកួតនាងតែងតែអំពាវនាវនិងស្នើសុំជំនួយអន្តរជាតិដើម្បីជួយប្រទេសរបស់នាងដោះស្រាយ ជម្លោះផ្ទៃក្នុងប្រទេសមីយ៉ាន់ម៉ា៕

ប្រភព​៖ https://ngoisao.net/

សូមទស្សនារូបភាពខាងក្រោម៖

• តារាអន្តរជាតិ