មេម៉ាយសល់ទ្រព្យ! ហ៊ាន់ ជីអ៊ុន ជះលុយទិញអគារ តម្លៃជាង ១៧លានដុល្លារ​

កូរ៉េខាងត្បូង៖ យោងតាមប្រភពព័ត៌មាន ពីមន្ត្រីអចលនទ្រព្យ បានឲ្យដឹងថាតារាសម្តែងស្រីជួរមុខ Song Hye Kyo បានទិញ អាគារមួយកន្លែងនៅក្នុងសង្កាត់ Hannamdong តំបន់ Yongsangu ទីក្រុងសេអ៊ូលក្នុងតម្លៃ ១៩,៥ ពាន់លានវ៉ុន (ប្រហែលជាង ១៧ លានដុល្លារ) ។ 

តួយ៉ាងតារាសម្តែងរូបនេះ ត្រូវបានគេដឹងថា រូបនាងបានកាន់កាប់ទ្រព្យសម្បត្តិអចលនៈទ្រព្យជាច្រើន បើប្រៀបធៀបទៅនឹងតារាល្បី ៗ ដទៃទៀត ថែមទាំងមានសេចក្តីរាយការណ៍ថានាងសម្រេចចិត្តទិញទ្រព្យសម្បត្តិមានតម្លៃនេះ ដើម្បីត្រៀមចូលនិវត្តន៍ជាមួយម្តាយរបស់នាង។ លើសពីនេះមុនពេលទិញអគារកម្ពស់ ៥ ជាន់មួយនេះ នាងធ្លាប់មានផ្ទះវីឡា ២ ជាន់តម្លៃ ៧,៦ លានដុល្លារ ព្រមទាំងផ្ទះនៅអាមេរិកតម្លៃ ២,៨ លានដុល្លារ ថែមទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គួររំលឹកផងដែរ មេម៉ាយរូបនេះ នឹងធ្វើការត្រឡប់មកសម្តែងខ្សែភាពយន្តខ្នាតតូចរបស់នាងនៅក្នុងប៉ុស្តិ៍ទូរទស្សនិ៍ SBS ដែលមានចំណងជើងថា «Now, We Are Breaking Up» ដែលត្រៀមនឹងចាក់បញ្ចាំងនៅពាក់កណ្តាលនៃឆ្នាំ ២០២១ នេះ៕

សូមទស្សនារូបភាពខាងក្រោម៖

• តារាកូរ៉េ