៥ យ៉ាង ជួយបំបាត់អារម្មណ៍ឯកាពេលយើងនៅផ្ទះម្នាក់ឯងយូរពេក!

ក្នុងស្ថានភាពយើងពិបាកចេញទៅខាងក្រៅ ជួបជុំមិត្តភក្ដិ ឬក្រុមគ្រួសារបែបនេះ ច្បាស់ជាធ្វើឲ្យមានអារម្មណ៍ធុញថប់ ឬអារម្មណ៍ឯកាចាប់ផ្ដើមកើតឡើងភ្លាម។ អារម្មណ៍ឯកាយូរ អាចធ្វើឲ្យយើងប៉ះពាល់ផ្លូវចិត្ត ធ្វើឲ្យគិតអីលែងចេញ និងធ្វើឲ្យយើងមិនសប្បាយចិត្តក៏មាន ហើយបើវាបន្តក្នុងរយៈពេលយូរ វាអាចធ្វើឲ្យរាងកាយយើងមានការឈឺចាប់ ពិបាកគេង និងប្រព័ន្ធការពាររាងកាយចុះខ្សោយផងដែរ។ ពេលជួយបញ្ហាបែបនេះ គ្នាយើងអាចសាកល្បងដោះស្រាយបានដោយធ្វើសកម្មភាពដូចខាងក្រោមនេះ។

១. បង្កើតសំឡេងក្នុងផ្ទះ

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ពេលចាប់ផ្ដើមមានអារម្មណ៍ឯកាប្រជ្រៀតចូលក្នុងការគិត ឬខួរក្បាល យើងអាចបំបាត់វាទៅវិញដោយការបន្ថែមសំឡេងនៅក្នុងផ្ទះ ឬបន្ទប់យើងនៅ។ តន្ត្រីអាចជួយធ្វើឲ្យយើងមានអារម្មណ៍ល្អ និងស្រស់ស្រាយឡើងវិញ ហើយយើងក៏អាចមើលរឿង ឬស្ដាប់កម្មវិធី Podcast ឬ Audiobook ដើម្បីបន្លប់អារម្មណ៍ឯកា។

២. រក្សាទំនាក់ទំនង

ត្បិតតែមិនអាចចេញក្រៅជួបគ្នាបាន យើងអាចរក្សាទំនាក់ទំនងជាមួយមនុស្សជិតស្និទ្ធតាមរយៈប្រព័ន្ធអ៊ីនធើណែតបានដែរ។ បើយើងមានអារម្មណ៍ឯកានឹកពួកគេ យើងអាចឆាតអនឡាញ ទូរស័ព្ទ ឬតេតាមវីដេអូយើងអាចជួបមុខគ្នា ឬ facetime ជាមួយមិត្តភក្ដិ និងសមាជិកគ្រួសារដទៃ។

៣. ចេញក្រៅផ្ទះ

ចំពោះគ្នាយើងមួយចំនួនធំ ការដែលសម្ងំក្នុងផ្ទះយូរពេក អារម្មណ៍ស្មុគស្មាញនឹងកើតឡើងដោយឯកឯង យូរៗទៅបណ្ដាលទៅជាស្ត្រេសវិញ។ ហេតុនេះ យើងគួរចេញពីបន្ទប់ ឬចេញទៅយ៉រមុខផ្ទះ ឬចេញទៅអង្គុយលេងមុខផ្ទះខ្លះ ឬអាចដើរហាត់ប្រាណ មើលគេឯងនៅតំបន់ក្បែរៗផ្ទះក៏បាន (បើអាចចេញក្រៅផ្ទះបាន)។

៤. ចិញ្ចឹមសត្វ

ការចិញ្ចឹមសត្វទាមទារភាពអត់ធ្មត់ ពេលវេលា និងថវិកា ដើម្បីថែទាំវាឲ្យបានល្អ មិនថាជាសត្វឆ្កែ ឬសត្វឆ្មារ ឬត្រីក្នុងអាងនោះទេ។ ត្បិតតែសត្វមិនអាចនិយាយភាសាយើងយល់បាន ក៏ប៉ុន្តែពួកគេតែងតែនៅក្បែរយើង ចាំធ្វើឲ្យយើងសប្បាយចិត្តគ្រប់ពេលវេលាដែលយើងត្រូវការ។

៥. ធ្វើអ្វីដែលយើងស្រលាញ់

អារម្មណ៍ឯកាអាចប៉ះពាល់ដល់ផ្លូវចិត្តរហូតយើងលែងចង់ធ្វើអ្វីៗទាំងអស់ក៏មាន ឬលែងចង់ធ្វើអ្វីដែលយើងស្រលាញ់ទៀត។ ដូចនេះ យើងគួរបន្តធ្វើសកម្មភាពណាដែលយើងស្រលាញ់ និងផ្ដល់ភាពសប្បាយរីករាយដល់យើង ដើម្បីបន្លប់ពេលវេលា ក៏ដូចជាភាពឯកា។ ឧ. ការអានសៀវភៅ មើលរឿងភាគ ភាពយន្ត ឬបង្កើតអ្វីៗថ្មីតាមគំនិតច្នៃប្រឌិតរបស់ខ្លួនក៏បាន។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

៥ យ៉ាង ជួយបំបាត់អារម្មណ៍ឯកាពេលយើងនៅផ្ទះម្នាក់ឯងយូរពេក!

១. បង្កើត​សំឡេង​ក្នុង​ផ្ទះ

២. រក្សា​ទំនាក់​ទំនង

៣. ចេញ​ក្រៅ​ផ្ទះ

៤. ចិញ្ចឹម​សត្វ

៥. ធ្វើ​អ្វី​ដែល​យើង​ស្រលាញ់

In Case You Missed It

១. បង្កើតសំឡេងក្នុងផ្ទះ

២. រក្សាទំនាក់ទំនង

៣. ចេញក្រៅផ្ទះ

៤. ចិញ្ចឹមសត្វ

៥. ធ្វើអ្វីដែលយើងស្រលាញ់