ទៀតហើយ ត្រចៀកកាំ ត្រូវបានគេសង្ស័យថាលែងលះ

ចិន៖ យោងតាម ទំព័រ Sohu កាលពីថ្ងៃទី ២៧ ខែឧសភា កន្លងទៅនេះ ស្រាប់តែមានអត្ថបទក្តៅមួយ នៅលើគេហទំព័រ ដែលធ្វើឲ្យមនុស្សជាច្រើន ផ្ទុះការសង្ស័យ ទៅលើ តារាស្រី Zhao Wei និងស្វាមី របស់នាង ថាត្រូវបានលែងលះគ្នាជាផ្លូវការ។

ក្នុងនោះដែរ បានឲ្យដឹងថា ស្វាមីរបស់តារាស្រី Zhao Wei បានលុបរូបថតដែលទាក់ទងនឹងនាង កាលពី ៣ ឆ្នាំមុន ដែលសកម្មភាពមួយនេះ គឺហាក់ដូចជាបង្ហាញថា Zhao Wei លែងមានទំនាក់ទំនងគ្រួសារនឹងគ្នាហើយ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ប៉ុន្តែ យ៉ាងណាមិញ យោងតាមព័ត៌មានដែលបានចែករំលែកបឲបន្តទៀត ក៏បានបង្ហាញថា ស្វាមីរបស់នាងពិតជាកម្រនឹងបង្ហោះរូបភាពនៅលើគណនី Weibo ផ្ទាល់ខ្លួនណាស់។ ហើយក្នុងនោះដែរ កាលពីឆ្នាំ ២០១៨ ក្នុងថ្ងៃខួបកំណើតភរិយា លោកក៏បានបង្ហោះរូបផ្កាមួយបាច់ជាមួយនឹងសារ រីករាយថ្ងៃកំណើតជូនដល់ភរិយា ហើយខណៈពេលនោះ Zhao Wei ថែមទាំងបានខមមិន និងស៊ែររូបថតSelfie ជាការថ្លែងអំណរគុណទៀតផង។

គួរបញ្ជាក់ផងដែរថា នេះមិនមែនជាលើកដំបូងទេ ដែលមានពាក្យចចាមអារាមផ្ទុះការសង្ស័យពីការលែងលះរបស់នាង ដូច្នេះបើចង់ជ្រាបច្បាស់ថារឿងពិតប្រាកដបែបណានោះ មានតែរង់ចាំឲ្យសាមីខ្លួនចេញមកបកស្រាយហើយ៕

ប្រភព៖ Kenh14

សូមទស្សនារូបភាពខាងក្រោម៖

• តារាចិន