អាហារទាំងនេះមានប្រយោជន៍ច្រើន ដល់ម៉ាក់ៗទើបសម្រាលកូន!

ការបន្តញ៉ាំអាហារល្អៗ ដែលមានសារធាតុចិញ្ចឹមខ្ពស់បន្ទាប់ពីយើងសម្រាលកូនរួច មានសារសំខាន់ណាស់ ក្នុងការជួយឲ្យរាងកាយ និងអារម្មណ៍របស់ម៉ាក់ៗឆាប់វិលត្រលប់មករកសភាពដើមវិញ។ ពិតណាស់ ញ៉ាំអាហារបំប៉នរាងកាយបានគ្រប់គ្រាន់ផ្ដល់ថាមពល សម្រាប់តម្រូវការរបស់ទារកទើបកើត។ បន្ថែមពីនេះ អាហារបំប៉នរាងកាយមួយចំនួនក៏អាចបង្កើនការផលិតទឹកដោះផងដែរ។ យ៉ាងណាមិញ ក្រោយសម្រាលកូនរួច ម៉ាក់ៗគប្បីបញ្ចូលអាហារសុខភាពទាំងនេះ ទៅក្នុងរបបអាហាររបស់ខ្លួន ទើបជាការប្រសើរ។

១. គ្រាប់រីករាយ (Pistachios)

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

គ្រាប់រីករាយគឺជាអាហារសម្រន់ដែលមានប្រូតេអ៊ីនខ្ពស់បំផុតមួយ ដែលមានប្រូតេអ៊ីនពេញលេញចំនួន៦ក្រាម ហើយវាអាចជួយដល់រាងកាយរបស់យើងទទួលបានអាស៊ីដអាមីណូសំខាន់ៗ។ បន្ថែមពីនេះ វាក៏ជាប្រភពដ៏ល្អនៃជាតិសរសៃ និងខ្លាញ់មិនឆ្អែតដើម្បីជួយឲ្យយើងមានអារម្មណ៍ឆ្អែតបានយូរ។

២. តៅហ៊ូ

ជាមួយគ្នានេះដែរ តៅហ៊ូគឺជាប្រភពដ៏ល្អនៃប្រូតេអ៊ីន ក៏ដូចជាសារធាតុចិញ្ចឹមសំខាន់ៗដែលមានផ្ទុកសារធាតុcholine និងlysine ដែលពិបាករកនៅក្នុងរបបអាហារប្រភេទរុក្ខជាតិ។ សារធាតុcholine មានសារសំខាន់សម្រាប់កោសិកាដែលមានសុខភាពល្អ និងការលូតលាស់ខួរក្បាលរបស់ទារក ប៉ុន្តែរាងកាយរបស់យើងអាចផលិតវាតិចតួចប៉ុណ្ណោះ។ សារធាតុនេះត្រូវបានបញ្ជូនទៅកាន់ទារកតាមរយៈទឹកដោះម្ដាយ ដូច្នេះហើយការញ៉ាំតៅហ៊ូ គឺជាវិធីសាស្ត្រដ៏ល្អបំផុតក្នុងការបំពេញសារធាតុcholine។ ចំណែកឯlysine គឺជាអាស៊ីដអាមីណូសំខាន់មួយដែលមាននៅក្នុងតៅហ៊ូ។

៣. ផ្លែប័រ

បន្ថែមពីនេះ ផ្លែប័រផ្ដល់ថាមពលដ៏សម្បើម ហើយវាក៏អាចជួយឲ្យយើងមានអារម្មណ៍ឆ្អែតបានយូរ។ ជាមួយនឹងជាតិសរសៃ អាស៊ីដខ្លាញ់អូមេហ្គា៣ និងសារធាតុអុកស៊ីតកម្មរលាយក្នុងខ្លាញ់ (fat-soluble antioxidants ) ក៏អាចជួយបង្កើនគុណភាពការផលិតទឹកដោះម្ដាយថែមទៀតផង។

៤. ដំឡូងជ្វា

ដំឡូងជ្វា គឺជាកាបូអ៊ីដ្រាតមានរសជាតិផ្អែមពីធម្មជាតិ ដែលអាចជួយឲ្យយើងមានអារម្មណ៍រីករាយ និងផ្ដល់ថាមពលសម្រាប់ការបំបៅដោះកូន។ លើសពីនេះ វាក៏ជាប្រភពដ៏អស្ចារ្យនៃសារធាតុប្រឆាំងនឹងអុកស៊ីតកម្មBeta-carotene និងវីតាមីនC។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

អាហារ

ផ្ទៃពោះ

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

អាហារ​ទាំង​នេះ​មាន​ប្រយោជន៍​ច្រើន​ ដល់​ម៉ាក់​ៗ​​ទើប​សម្រាល​កូន​!

១. គ្រាប់​រីករាយ​ (Pistachios)

២. តៅ​ហ៊ូ​

៣. ផ្លែ​ប័រ​

៤. ដំឡូង​ជ្វា​

In Case You Missed It

អាហារទាំងនេះមានប្រយោជន៍ច្រើន ដល់ម៉ាក់ៗទើបសម្រាលកូន!

១. គ្រាប់រីករាយ (Pistachios)

២. តៅហ៊ូ

៣. ផ្លែប័រ

៤. ដំឡូងជ្វា