កាន់តែលេចធ្លោ! សំណង់រង្វង់មូល «ព្រះថោងនាងនាគ» នឹងលេចជារូបរាងឡើងឆាប់ៗនេះ នៅក្នុងខេត្តព្រះសីហនុ

ខេត្តព្រះសីហនុ: ប្រិយមិត្ត ពុកម៉ែ បងប្អូនមួយចំនួនពិតជានៅចាំបាននៅគម្រោងរង្វង់មូល ព្រះថោងនាងនាគ ដែលរដ្ឋបាលខេត្ត​ព្រះសីហនុ គម្រោងនឹង​សាងសង់​រូបសំណាក​ព្រះថោង​នាងនាគពីស្ពាន់ នៅប្រសព្វទល់មុខគ្នា​រវាង​មហាវិថី​ជំទាវ​ម៉ៅ និង​មហាវិថី​ឆ្នេរ​រាម ដើម្បី​បង្ហាញ​ទេសចរ​ពី អត្តសញ្ញាណ​ជាតិ វប្បធម៌ ប្រពៃណី ក្នុង​ខេត្ត​របស់ខ្លួន​។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

សូមរំលឹកផងដែលថា រង្វង់មូល «ព្រះថោងនាងនាគ» បង្កប់នៅខ្លឹមសារប្រកដដោយ អត្ថន័យយ៉ាងប្រសើរ ដោយរូបព្រះថោងនាងនាគ បែរព្រះភក្ត្រឆ្ពោះទៅកាន់សមុទ្រ ជានិមិត្តរូបនៃការកកើតទឹកដី វប្បធម៌ អរិយធម៌ ប្រពៃណី ទំនៀមទម្លាប់ របស់ខ្មែរដែលកកើតឡើងតាំងតែពីយុគសម័យដំបូងនៃអាណាចក្រភ្នំ ឬហ្វូណន និងជាសក្ខីភាពបញ្ជាក់ថាជាតិខ្មែរជាជាតិសាសន៍ដ៏ចំណាស់នៅលើទឹកដីសុវណ្ណភូមិ អាស៊ីអាគ្នេយ៍។

យ៉ាងណាមិញ រីឯរូបសំណាក​ព្រះថោង​នាងនាគ ដែល​សង់​អំពី​ស្ពាន់ កម្ពស់​២១​ម៉ែត្រ​នេះ នឹងត្រូវ​ដាក់​នៅ​ចំណុច​ផ្លូវ​ប្រសព្វ​គ្នា​រវាង​មហាវិថី​ជំទាវ​ម៉ៅ និង​មហាវិថី​ឆ្នេរ​រាម នៃ​ខេត្ត​ព្រះសីហនុ​ នឹងចូលរួម​បង្ហាញ​អត្តសញ្ញាណ វប្បធម៌ និង​ប្រពៃណីជាតិ សម្រាប់​ខេត្ត​ជាប់​សមុទ្រ​មួយ​នេះ​ឲ្យកាន់តែលេចធ្លោ និងមានភាពជឿនលឿន ប្រកដដោយការអភិវឌ្ឍយ៉ាងឆាប់រហ័ស។

គូសបញ្ជាក់ផងដែលថា រូបសំណាក​ទាំងនេះ គ្រោង​នឹងសម្ពោធ​នៅ​អំឡុង​ចុង ឆ្នាំ​២០២១ ដែលនឹងចូលរួមចំណែកយ៉ាងសំខាន់ក្នុងការលើកមុខមាត់ខេត្តនៅតំបន់មាត់សមុទ្រ ភូមិភាគនិរតីមួយនេះ ឲ្យកាន់តែលេចធ្លោខ្លាំងបន្ថែមទៀត៕

ចង់ជ្រាបកាន់តែច្បាស់ សូមទស្សនារូបភាពដែលមានភ្ជាប់ជូននៅផ្នែកខាងក្រោមនេះ​៖

ដើម្បីទទួលបានព័ត៌មានបន្ថែម និងថ្មីៗ ព្រមទាំងរហ័សពីគេហទំព័រខ្មែរឡូតសូមចុច៖ https://t.me/khmerload

• រូបភាព