កាត់បន្ថយទម្លាប់៣យ៉ាងនេះ ដើម្បីសុខភាពល្អ!

ទម្លាប់ទាំងឡាយណាជួយឲ្យមានសុខភាពល្អមនុស្សយើងភាគច្រើនពិបាកនឹងធ្វើបាន ដោយហេតុថាទម្លាប់ខ្លះត្រូវការការតាំងចិត្តខ្ពស់ ដូចជាការហាត់ប្រាណ ឬការទទួលទានអាហារមានតុល្យភាពល្អចំពោះសុខភាពជាដើម។ ជាមួយគ្នានេះដែរ ទម្លាប់មិនល្អមួយចំនួនមនុស្សយើងបែរជាធ្វើញឹកញាប់ទោះបីដឹងថាប៉ះពាល់សុខភាពក៏ដោយ។ ដើម្បីសុខភាពល្អ គ្នាយើងគួរកាត់បន្ថយទម្លាប់ទាំងនេះ។

១. កាត់បន្ថយការផឹកគ្រឿងស្រវឹង

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ថ្វីបើយើងមិនអាចកាត់ផ្ដាច់ការឈប់ផឹកគ្រឿងស្រវឹងបានទាំងស្រុង តែយើងអាចបន្ថយបរិមាណផឹកប្រចាំសប្ដាហ៍។ បើយើងទម្លាប់ផឹកគ្រឿងស្រវឹងបី ឬបួនដងក្នុងមួយសប្ដាហ៍ យើងគួរបន្ថយមកផឹកត្រឹមម្ដងក្នុងមួយសប្ដាហ៍វិញ។

តាមការណែនាំ ការផឹកគ្រឿងស្រវឹងដែលអាចមានផលល្អចំពោះសុខភាពគឺសម្រាប់មនុស្សស្រីអាចផឹកស្រាបៀរមិនលើសពីមួយកំប៉ុងក្នុងមួយថ្ងៃ និងសម្រាប់មនុស្សប្រុសមិនលើសពីពីរកំប៉ុងក្នុងមួយថ្ងៃ។ ចំពោះស្រាវិញមនុស្សស្រីមិនគួរផឹកលើសពីរ១៤៨មិល្លីលីត្រក្នុងមួយថ្ងៃ និងមនុស្សប្រុសមិនគួរលើសពីពីរដងនៃកម្រិតរបស់មនុស្សស្រី។

២. ឈប់ជក់បារី

បើសិនជាគ្នាយើងជាអ្នកជក់បារី គួរពិចារណាឈប់ជក់ដើម្បីសុខភាពល្អ។ គ្នាយើង មានចេតនាចង់ឈប់ជក់បារីគួរស្វែងរកជំនួយពីគ្រូពេទ្យ ឬពីសមាជិកគ្រួសារ។

តិចនិកជួយបញ្ឈប់ការជក់បារី

ប្រើប្រាស់ពពួកផលិតផលឱសថ៖ សូមពិគ្រោះជាមួយគ្រូពេទ្យ ដើម្បីជ្រើសរើសយកផលិតផលការបន្ថយការញៀនជាតិនីកូទីន
ស្វែងរកការគាំទ្រ និងលើកទឹកចិត្ត។
បង្កើនការយល់ដឹងពីផលប៉ះពាល់សុខភាព បង្កដោយបារី
កត់ត្រា និងគណនា ជាទឹកប្រាក់ចំណាយលើបារី ដើម្បីឲ្យយើងដឹងពីការខាតបង់ផ្នែកហិរញ្ញវត្ថុលើបារី

ផលប្រយោជន៍នៃការឈប់ជក់បារីធៀបទៅនឹងអ្នកបន្តជក់វ័យដូចគ្នា៖

ឈប់ជក់នៅអាយុ៣០ឆ្នាំ អាចមានអាយុលើសអ្នកបន្តជក់១០ឆ្នាំ
ឈប់ជក់នៅអាយុ៤០ឆ្នាំ អាចមានអាយុលើសអ្នកបន្តជក់៩ឆ្នាំ
ឈប់ជក់នៅអាយុ៥០ឆ្នាំ អាចមានអាយុលើសអ្នកបន្តជក់៦ឆ្នាំ
ឈប់ជក់នៅអាយុ៦០ឆ្នាំ អាចមានអាយុលើសអ្នកបន្តជក់៣ឆ្នាំ

៣. កុំគិតរឿងអវិជ្ជមានច្រើនពេក

បើសិនជាគ្នាយើងមានទម្លាប់មិនល្អ ចូលចិត្តគិតឃើញតែរឿងអវិជ្ជមានលើស្ថានភាពផ្សេងៗ ឬគិតឃើញតែផលអវិជ្ជមានបម្រុងនឹងកើត នោះយើងប្រហែលជាត្រូវរៀនគិតវិជ្ជមានឲ្យបានច្រើនជាងនេះវិញ។

យើងអាចពិចារណា ដកខ្លួនពីក្រុមមនុស្សដែលចូលចិត្តគិតតែរឿងអវិជ្ជមាន និងលើកទឹកចិត្តខ្លួនឯងឲ្យដកខ្លួនពីផ្លូវមួយនេះ។ ដូចគ្នាដែរ បើយើងគិតថាលទ្ធផលនៃកិច្ចការណាមួយអាចចេញជាផលមិនល្អ យើងគួរកុំគិតតែពីត្អូញត្អែរ តែគួរគិតពីដំណោះស្រាយលើបញ្ហានេះវិញ។

ខាងក្រោមនេះជាតិចនិកមួយចំនួនជួយឲ្យគ្នាយើងចាប់ផ្ដើមគិតបែបវិជ្ជមាន៖

នៅជាមួយមនុស្សគិតវិជ្ជមាន៖ គ្នាយើងត្រូវប្រាកដថាមនុស្សដែលយើងតែងនៅជាមួយ គឺជាមនុស្សចូលចិត្តគិតវិជ្ជមាន ជាមនុស្សចេះជួយអ្នកដទៃ ចេះផ្ដល់យោបល់ និងលើកទឹកចិត្ត។ នៅជាមួយមនុស្សគិតអវិជ្ជមាន អាចធ្វើឲ្យយើងកើតស្ត្រេសបាន ហើយបើយើងកើតស្រ្តេសនឹងប៉ះពាល់សុខភាពកាន់តែខ្លាំង។

រៀននិយាយគំនិតវិជ្ជមានចំពោះខ្លួនឯង៖ យើងត្រូវចេះលើកទឹកចិត្ត និងគិតល្អលើខ្លួនឯង។ បើសិនជាគំនិតអវិជ្ជមានចូលមកក្នុងខួរក្បាល យើងគួរវាយតម្លៃមើលថាវាមានហេតុផលត្រឹមត្រូវ និងមានអ្វីបញ្ជាក់ច្បាស់លាស់ពីរឿងនោះទេ ឬអាចមានវិធីល្អជាងនេះទេ។ ឧទាហរណ៍ថា «យើងគិតថារឿងនេះខ្ញុំមិនដែលធ្វើទេទំនងជាពិបាកណាស់»។ បើមានគំនិតបែបនេះ យើងសាកគិតបែបវិជ្ជមានវិញថា៖«នេះជាឱកាសល្អរបស់ខ្ញុំក្នុងការបញ្ចេញស្នាដៃ»។ សូមព្យាយាមគិតដល់អ្វីដែលយើងបានទទួល និងផ្ដល់មោទកភាពដល់យើងនាពេលកន្លងមក បើអារម្មណ៍អវិជ្ជមានកើតលើយើង។

ហាត់ប្រាណ៖ គ្នាយើងបើមានបញ្ហាស្មុគច្រើនពេកគួរចេញហាត់ប្រាណខ្លះ។ ការហាត់ប្រាណបានត្រឹម៣០នាទីក្នុងមួយថ្ងៃ អាចជួយធ្វើយើងមានសុខភាពល្អ និងអារម្មណ៍ល្អផងដែរ។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

កាត់បន្ថយទម្លាប់៣យ៉ាងនេះ ដើម្បីសុខភាពល្អ!

១. កាត់​បន្ថយ​ការ​ផឹក​គ្រឿង​ស្រវឹង​

២. ឈប់​ជក់បារី

៣. កុំ​គិត​រឿង​អវិជ្ជមាន​ច្រើនពេក​

In Case You Missed It

១. កាត់បន្ថយការផឹកគ្រឿងស្រវឹង

២. ឈប់ជក់បារី

៣. កុំគិតរឿងអវិជ្ជមានច្រើនពេក