លោកយាយឥណ្ឌា វ័យចាស់ជាងគេបំផុតនៅក្នុងពិភពលោកស្ម័គ្រចិត្ត ទទួលការចាក់វ៉ាក់សាំងបង្កាកូវីដ១៩ មុនគេ

ឥណ្ឌា៖ លោកយាយឥណ្ឌាម្នាក់ គឺជាមនុស្សជាងគេនៅក្នុងពិភពលោក ដែលទទួលការចាក់វ៉ាក់សាំងបង្កាកូវីដ១៩ ក្នុង១២៤ឆ្នាំ។ លោកយាយ Rehtee Begum មកពីស្រុក Baramulla នៃរដ្ឋ Jammu និង​ Kashmir គឺស្ថិតនៅក្នុងចំណោមមនុស្ស ៩០០០នាក់ ដែលបានទទួលចាក់វ៉ាក់សាំង កាលពីថ្ងៃពុធ។

គួរបញ្ជាក់ថា លោកយាយរូបនេះ បានទទួលវ៉ាក់សាំងនេះ ខណៈដែលដូសត្រូវបានគេផ្តល់ឱ្យពីផ្ទះមួយទៅផ្ទះមួយហើយកាតបង្ហាញអត្តសញ្ញាណរបស់គាត់ ត្រូវបានគេរាយការណ៍ថាបង្ហាញថាលោកយាយមានអាយុ ១២៤ ឆ្នាំ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យោងតាមរបាយការណ៍ក្នុងស្រុក ព័ត៌មាននេះបានលេចចេញឡើងនៅពេលដែលក្មេង ៗ ដំបូងភ័យខ្លាចមិនហ៊ានទទួលចាក់វ៉ាក់សាំង ទើបលោកយាយ ហ៊ានចេញមុខមុនគេដោយទទួលយកការចាក់វ៉ាក់សាំង។

តាមប្រភពមួយនៅក្នុងតំបន់បាននិយាយថា បុគ្គលិកសុខាភិបាលបានពន្យល់ថាពួកគេកំពុងចាក់វ៉ាក់សាំងការពារវីរុសកូវីដ១៩ ដោយពេលនោះ លោកយាយ Begum បានស្ម័គ្រចិត្តចាក់មុនដំបូងគេបង្អស់។

លោកយាយ Begum បាននិយាយថា រូបគាត់ក៏មានសេចក្តីរីករាយផងដែរក្នុងការទទួលចាក់សាំងលើកទី ២ ក្នុងរយៈពេល ៧ សប្តាហ៍ ទៀត។

ក្នុងនោះដែរ​ លោកយាយ បានលើកសរសើរថា មណ្ឌលសុខភាពធ្វើបានយ៉ាងល្អគួរឱ្យកត់សម្គាល់នៅក្នុងកម្មវិធីចាក់វ៉ាក់សាំងបង្កាកូវីដ១៩នេះ៕

ប្រភព៖ Daily Mail