មិត្តល្អជួយគ្នាក្នុងគ្រាអាសន្ន! រដ្ឋាភិបាលជប៉ុនផ្តល់រថយន្តគិលានសង្រ្គោះ ៣០គ្រឿងបន្ថែមទៀតដល់កម្ពុជា

ភ្នំពេញ: កាលពីថ្ងៃទី៤ ខែមិថុនា ឆ្នាំ២០២១កន្លងទៅនេះ នៅឃ្លាំងឱសថកណ្តាលនៃក្រសួងសុខាភិបាល រដ្ឋាភិបាលជប៉ុនបានផ្តល់រថយន្តគិលានសង្រ្គោះ៣០គ្រឿងបន្ថែមទៀតដល់កម្ពុជា ក្រោមវត្តមានដ៏ខ្ពង់ខ្ពស់របស់ឯកឧត្តមសាស្ត្រាចារ្យ ម៉ម ប៊ុនហេង រដ្ឋមន្ត្រីក្រសួងសុខាភិបាល និងឯកឧត្តមមិកាមិ ម៉ាសាហ៊ីរ៉ូ ឯកអគ្គរាជទូតជប៉ុនប្រចាំកម្ពុជាជាតំណាងទទួលនិងប្រគល់ជូននៃប្រទេសទាំងពីរ។

សូមរំលឹកផងដែលថា ចាប់តាំងតែពីបានបង្កើតឡើងនៅកិច្ចសហប្រតិបត្តិការជារដ្ឋភាគី រវាងប្រទេសជប៉ុន និងកម្ពុជារួចមក រដ្ឋាភិបាលជប៉ុន នៅក្នុងកិច្ចសហប្រតិបត្តិការជាមួយរាជរដ្ឋាភិបាលកម្ពុជាតែងតែផ្តល់នូវឧបករណ៍និងសម្ភារៈចាំបាច់ផ្សេងៗនៅក្នុងវិស័យសុខាភិបាល បច្ចេកទេស ធនធានមនុស្ស ព្រមទាំងជំនួយឥតសំណងផ្សេងៗទៀតមកដល់កម្ពុជា ដែលធ្វើឲ្យប្រជាពលរដ្ឋកម្ពុជាជាទូទៅតែងតែគោរព និងស្រលាញ់ឥរិយាបថរបស់ជនជាតិជប៉ុន៕

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

• រូបភាព