១០ឆ្នាំត្រូវបានបញ្ចប់! ប្តីធ្លាក់ខ្លួនភ្លាម សាន់ឆាយ លែងលះប្តីភ្លែត?

តៃវ៉ាន់៖ យោងទៅតាមសារព័ត៌មាន Apple Daily បានរាយការណ៍មកថា តារាសម្តែងស្រី Barbie Hsu និងស្វាមីរបស់នាង កំពុងធ្វើនីតិវិធីលែងលះគ្នា ដែលដំណឹងមួយនេះបានបង្កភ្ញាក់ផ្អើលជាខ្លាំង ពីសំណាក់មហាជន ក៏ដូចជា សារព័ត៌មាន ក្នុងស្រុក ក៏ក្រៅស្រុក។

នេះបើតាមប្រភពមួយបាននិយាយថា ស្វាមីរបស់នាងលោក Wang Xiaofei បានដាក់ពាក្យស្នើសុំលែងលះមួយនេះ អ្នកយកព័ត៌មានចិនដីគោកបានទាក់ទងទៅសេដ្ឋីរូបនេះដែរ ប៉ុន្តែលោកបានឆ្លើយតបទៅប្រព័ន្ធផ្សព្វផ្សាយថាលោកមិនដឹងទេ។ ដោយសារតែមួយរយៈចុងក្រោយនេះ ស្វាមីរបស់នាង បានធ្លាក់ខ្លួនខ្លាំង ក្នុងពេលកូវីដនេះ ដោយទ្រព្យសម្បត្តិមួយចំនួន និងខុនដូរ រាប់លានដុល្លារ ក៏ត្រូវលក់ ហើយលោក ក៏ឆ្លៀតឡាយលក់ឥវ៉ាន់ តាមបណ្តាញសង្គមទៀត ដើម្បីរកចំណូលខ្លះ។​ ជាក់ស្តែង ពួកគេក៏មានការរកាំរកូសច្រើនគួរសម ក្នុងអំឡុងពេលនេះ ដោយសារតែសេដ្ឋកិច្ច។ ជាពិសេស ក៏មានមតិជាច្រើន បានរិះគន់ទៅកាន់សាន់ឆាយទៀតផង ថាមិនជួយរកប្រាក់ បែរជាចង់ចាកចេញពីស្វាមី ខណៈកំពុងតែមានបញ្ហាបែបនេះ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

តួយ៉ាង Barbie Hsu និង Wang Xiaofei បានរៀបការក្នុងពិធីរៀបអាពាហ៍ពិពាហ៍យ៉ាង មហោឡារិក នៅសាន់យ៉ាក្នុងឆ្នាំ ២០១១ បន្ទាប់ពីបានជួបគ្នាដោយចៃដន្យនិងបានលង់ស្រឡាញ់គ្នានៅក្នុងពិធីជប់លៀងមួយក្នុងឆ្នាំ ២០១០ ។

ក្រោយពីរៀបការរួច តារាសម្តែងស្រីរូបនេះ បានចំណងដៃបានកូន ២ នាក់ប្រុសម្នាក់និងស្រីម្នាក់។ គូស្វាមីភរិយាមួយគូនេះត្រូវបានគេឲ្យដឹងថាបានជំនះនូវការលំបាកនិងឧបសគ្គជាច្រើនក្នុងជីវិតអាពាហ៍ពិពាហ៍ដោយសារពួកគេមានបុគ្គលិកលក្ខណៈខុសគ្នាពេលខ្លះឈ្លោះប្រកែកគ្នា ឬខឹងសម្បារ៕

ប្រភព៖ https://www.cosmopolitan.com/

សូមទស្សនារូបភាពខាងក្រោម៖

• តារាចិន