រំភើបណាស់ Veena ត្រូវបានគូស្នេហ៍ដែលជាអ្នកជំនួញធំម្នាក់ សុំរៀបការយ៉ាងរ៉ូមែនទិក

ថៃ៖ មហាជនមួយចំនួនប្រាកដជាបានស្គាល់ជាមួយនឹងបរវរកញ្ញាឯករង Miss Universe Thailand ២០២០ ដោយនាងបានចេញមកប្រកាសពីដំណឹងល្អដែលនាងជិតចូលរោងការ បន្ទាប់ពីគូស្នេហ៍បានស្នើសុំនាងរៀបការរួច។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

នៅក្នុងរយៈពេលកន្លងទៅថ្មីៗនេះ Veena នាងបានធ្វើឱ្យមហាជនគ្រប់គ្នាមានការភ្ញាក់ផ្អើល និងមានក្ដីរំភើបជំនួសជាខ្លាំង បន្ទាប់ពីនាងបានប្រកាសនូវដំណឹងល្អថានឹងជិតរៀបការ ក្នុងពេលឆាប់ៗនេះជាមួយនឹងគូស្នេហ៍ជនជាតិឥណ្ឌា ដែលជាអ្នកជំនួញធំម្នាក់ និងមានទ្រព្យសម្បត្តិស្ដុកស្ដម្ភផងដែរ ក្នុងនោះVeena ក៏មិនទាន់បានបញ្ជាក់ថាថ្ងៃណាឱ្យប្រាកដនោះទេ។ ការប្រកាសនេះគឺក្រោយពីគូស្នេហ៍ដ៏សង្ហារបស់នាង បានសុំរៀបការនៅក្នុងថ្ងៃគម្រប់ខួបដែលបានផ្ដើមស្រឡាញ់គ្នាដំបូង ដោយនាងគិតថាជាការរៀបចំទីកន្លែងយ៉ាងរ៉ូមែនទិកមួយនេះ គ្រាន់តែជាការបង្កើតនូវបរិយាកាសឱ្យរីករាយក្នុងថ្ងៃគម្រប់ខួបស្រឡាញ់គ្នាតែប៉ុណ្ណោះ ហើយមិននឹកស្មានថាវាជាគម្រោងរបស់គូស្នេហ៍សុំរៀបការជាមួយនាងទាល់តែសោះ។

ឃើញដូចនោះហ្វេនៗជាច្រើនបានជូនពរ និងសូមឱ្យអ្នកទាំងពីរទទួលបានសេចក្ដីសុខសុភមង្គល បន្ទាប់ពីរៀបការហើយនៅថ្ងៃខាងមុខឆាប់ៗនេះ៕

ប្រភព៖ Post Today

   Join Us ៖ https://t.me/khmerload

• តារាថៃ