អ្នកណាថាអាយដលបែកគ្នា? Kimberley និងMark ត្រូវគេលួចថតបាន ផ្អែមលើសដើម

ថៃ៖ ជាការពិតណាស់ កញ្ញា Kimberley និង  Mark Prin ជាគូស្នេហ៍ផ្អែមល្ហែមមួយគូដែលអ្នកគាំទ្របានរង់ចាំអ្នកទាំងពីរប្រកាសដំណឹងល្អក្នុងថ្ងៃពិសេសរបស់ពួកគេ ដែលមានទំនាក់ទំនងស្នេហាជាមួយគ្នាជាយូរឆ្នាំមកហើយ។ ពោលគូស្នេហ៍មួយគូនេះ តែងមានពេលវេលាដ៏ផ្អែមល្ហែម សម្រាប់អ្នកគាំទ្ររីករាយគ្រប់ពេល ប៉ុន្តែភ្លាមៗនោះស្រាប់តែមានពាក្យចចាមអារ៉ាមលេចចេញថាអ្នកទាំងពីរបានបែកគ្នាហើយ ដែលធ្វើឲ្យអ្នកគាំទ្រច្របូកច្របល់ជាខ្លាំង ប៉ុន្តែពួកគេមិនជឿថាវាជាការពិតទេ។

ទន្ទឹមនឹងមានពាក្យចចាមអារ៉ាមនេះហើយ ថ្មីៗនេះកាលថ្ងៃទី ៦ កាលពីម្សិលមិញនេះ ទំព័រដ៏ល្បីមួយឈ្មោះ Jae Moi 108 បានបង្ហោះរូបថតផ្អែមល្ហែមរបស់ Kimberley និង  Mark Prin កំពុងណាត់ជួបគ្នាដូចជាគូស្នេហ៍ផ្អែមល្ហែមដូចជាធម្មតា មិនត្រឹមតែប៉ុណ្ណោះអ្នកទាំងពីរថែមទាំងបង្ហោះនៅក្នុង Story Instagram ទៅញ៉ាំបង្កងជាមួយគ្នាក្នុងកន្លែងតែមួយទៀតផង។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ជាក់ស្ដែង កន្លែងដែលគូស្នេហ៍មួយគូនេះបានទៅកម្សាន្តស្ថិតនៅខេត្ត Phon Nakhon Si Ayutthaya ដែលរូបភាពនេះហាក់ដូចជាត្រូវបានថតឆ្ងាយបន្តិចរហូតដល់ អ្នកគាំទ្រនៅតែលាន់មាត់ថាពួកគេបានប្រើម៉ាស៊ីនគិតលេខដើម្បីថតរូបជំនួសម៉ាស៊ីនថតរូប។

យ៉ាងណាមិញក្រោយបានឃើញពី ព្រឹត្តិការណ៍នេះហើយបានធ្វើឱ្យអ្នកគាំទ្ររបស់គូស្នេហ៍នេះ មានការធូរស្បើយជាបន្តបន្ទាប់ដែលមានភស្តុតាងបញ្ជាក់ថាគូស្នេហ៍មួយគូនេះនៅតែស្រលាញ់គ្នាយ៉ាងផ្អែមល្ហែម គ្មានស្នាមប្រេះទាល់តែសោះឡើយ៕

សូមទស្សនារូបភាពខាងក្រោម៖

ប្រភព៖ women.kapook

• តារាថៃ