សូមប្រុងប្រយ័ត្ន! ចាប់ពីស្អែកនេះ កម្ពុជា នឹងទទួលរងបាតុភូត ខ្យល់កន្ត្រាក់ខ្លាំង ភ្លៀង ផ្គររន្ទះ ក្នុងតំបន់ទាំងបីនេះ

អាកាសធាតុ៖ យោងតាមសេចក្តីជូនដំណឹងរបស់ក្រសួងធនធានទឹក និងឧតុនិយម នៅថ្ងៃទី០៨ ខែមិថុនា ឆ្នាំ២០២១នេះ បានឱ្យដឹងថា នៅថ្ងៃទី ៩-១២ ខែមិថុនា ឆ្នាំ២០២១ កម្ពុជានឹងទទួលឥទ្ធិពលពីខ្យល់មូសុងនិរតីខ្លាំង និងប្រព័ន្ធសម្ពាធទាប។ ចំណែកឯ ថ្ងៃទី១៣-១៥ ខែមិថុនា ឆ្នាំ២០២១ កម្ពុជា នឹងទទួលឥទ្ធិពលពីខ្យល់មូសុង និរតីខ្លាំង និងជ្រលងនៃកូនព្យុះឈ្មោះ កូហ្គូម៉ា លើកទី៤ (TS KOGUMA 2014)។

ស្ថានភាពបែបនេះនឹងធ្វើឲ្យ ៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១-បណ្តាខេត្តនៅតំបន់វាលទំនាបកណ្ដាល ៖

• សីតុណ្ហភាពអប្បបរមា មានពី ២៣-២៦ °C

• សីតុណ្ហភាពអតិបរមា មានពី ៣១-៣
  
• មានភ្លៀងផ្គរ រន្ទះ ផ្លេកបន្ទោរ ពីបង្គួរ ទៅច្រើន ជាមួយនិងខ្យល់កន្ត្រាក់ខ្លាំង រាយប៉ាយនៅភាគពាយ័ព្យ និងភាគខាងត្បូង ។

២-បណ្តាខេត្ត ជាប់ជួរភ្នំដងរែក និងខ្ពង់រាបឦសាន ៖

• សីតុណ្ហភាពអប្បបរមា មានពី ២៣-២៦ °C
• សីតុណ្ហភាពអតិបរមា មានពី ៣០-៣៣ °C
• មានភ្លៀង ផ្គររន្ទះ ផ្លេកបន្ទោរ ពីបង្គួរ ទៅច្រើន ជាមួយនិងខ្យល់កន្ត្រាក់ខ្លាំង រាយប៉ាយនៅភាគ ឦសាន ភាគខាងជើង ជួរភ្នំដងរែក និងជួរភ្នំក្រវាញ ។

៣-តំបន់មាត់សមុទ្រ ៖

• សីតុណ្ហភាពអប្បបរមា មានពី ២២-២៥ ºC
• សីតុណ្ហភាពអតិបរមា មានពី ២៦-២៩ °C
• មានភ្លៀងផ្គរ រន្ទះ ផ្លេកបន្ទោរ ច្រើនជាមួយនិងខ្យល់កន្ត្រាក់ខ្លាំងរលកសមុទ្រខ្ពស់ៗ ។

អាស្រ័យស្ថានភាពអាកាសធាតុដូចបានជម្រាបជូនខាងលើ សូមសាធារណជនជ្រាបជាព័ត៌មាន ជាពិសេស ប្រជានេសាទ និងអ្នកដំណើរសមុទ្រ សូមប្រុងប្រយ័ត្នខ្ពស់ចំពោះបាតុភូតភ្លៀង ផ្គររន្ទះខ្យល់បក់បោកខ្លាំង និងរលកសមុទខ្ពស់ៗ៕