ពូកែឆ្ងល់រឿងលែងលះពេក Angela Baby យកចិញ្ចៀនដែលស្វាមីឲ្យតម្លៃជាង១លានដុល្លារ ពាក់ថតលេង

ចិន៖ កាលពីប៉ុន្មានថ្ងៃមុននេះតារាសម្តែងស្រី Angela Baby បានលេចមុខនៅផ្ទាំងផ្សព្វផ្សាយរបស់កម្មវិធីទូរទស្សន៍ ដែលអ្នកម៉ាក់កូនមួយរូបនេះ បានទាក់ទាញការចាប់អារម្មណ៍យ៉ាងពីសំណាក់ទស្សនិជន ជាមួយនឹងស្ទីលបែបយុវវ័យ របស់នាង។

ដោយឡែក តារាស្រីរូបនេះបានជ្រើសរើស ក្នុងឈុតរ៉ូបខ្លីពណ៌ស ពិតជាស្រស់ស្អាតខ្លាំង និងសាកសមទៅនឹងនាងខ្លាំងតែម្តង គួបផ្សំទៅនឹង សម្រស់ដ៏ក្មេងជាងវ័យទៀតផងនោះ កាន់តែធ្វើឲ្យ ភរិយារបស់ Huang Xiaoming កាន់តែទាក់ទាញថែមមួយកម្រិតទៀតផងដែរ។ 

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

យ៉ាងណាមិញ អ្វីដែលគួរឲ្យចាប់អារម្មណ៍ជាងនេះទៅទៀត ត្រូវគេសង្កេតឃើញថា នៅលើដៃរបស់នាង គឺបានបំពាក់ទៅនឹងចិញ្ចៀនមួយប្រភេទមួយដែលមានត្បូងពេជ្រដែលមានរាងមកុដ ត្រូវបានគេប៉ាន់ប្រមាណទំហំប្រហែលជា ៥.៥៣ ការ៉ាត់ឯណោះ។

នេះបើតាមប្រភពដដែល នេះគឺជាចិញ្ចៀនដែលនាងធ្លាប់បានពាក់នៅថ្ងៃរៀបការរបស់នាង ក៏ដូចជាពេលថតរូបមង្គលការ ដែលចិញ្ចៀនដ៏មានតម្លៃមួយនេះ ត្រូវបានឲ្យថាវាមានតម្លៃ ១០ លានដុល្លារហុងកុង (ជិត ១,៣ លានដុល្លារអាមេរិក) ដែលស្វាមីរបស់នាង បានជូនឱ្យនៅថ្ងៃរៀបការរបស់ពួកគេ។

ទោះជាយ៉ាងណាក្តី វាមានអ្វីភ្ញាក់ផ្អើលនោះទេ ដែលតារាស្រីជួរមុខដូចជា Angela Baby ពាក់របស់មានតម្លៃបែបនេះ​ ប៉ុន្តែសកម្មភាពរបស់តារាស្រី​វ័យ ៣២ឆ្នាំរូបនេះ​បាន សរបញ្ជាក់ទៅកាន់មហាជន នៃពាក្យចចាមអារ៉ាម ជាច្រើន នៃបញ្ហារកាំរកូសជាមួយស្វាមីនាងឬយ៉ាងណា ព្រោះតែសុខៗ បានជាយកចិញ្ចៀនថ្ងៃរៀបការមកពាក់បែបនេះ ធ្វើឲ្យគេគ្រប់គ្នា លើកមកធ្វើជាប្រធានបទ៕

ប្រភព៖ https://ngoisao.net/

សូមទស្សនារូបភាពខាងក្រោម៖

• តារាចិន