សោកស្តាយណាស់! តារាសម្តែងស្រីម្នាក់ ត្រូវបានស្លាប់ទាំងវ័យក្មេង ដោយសារកូវីដ១៩

បរទេស៖ ក្រុមហ៊ុនចាត់ចែង Core Management ដែលមានមូលដ្ឋាននៅចក្រភពអង់គ្លេស បានបង្ហោះព័ត៌មានដ៏ក្រៀមក្រំនៅលើបណ្តាញសង្គមតារាសម្តែងស្រីវ័យក្មេង Lorina Kamburova ដែលមានសញ្ជតិ ប៊ុលហ្គារីទើបតែទទួលមរណភាព នៅឯមន្ទីរពេទ្យក្នុងទីក្រុងមូស្គូដោយសារជំងឺកូវីដ១៩។

យោងតាមគេហទំព័រ We Got This Covered បានឲ្យដឹងថាតារាសម្តែងវ័យ ២៩ ឆ្នាំរូបនេះបានទទួលមរណភាពកាលពីថ្ងៃទី ២៧ ខែឧសភានៅមន្ទីរពេទ្យមួយក្នុងទីក្រុងមូស្គូប្រទេសរុស្ស៊ី បន្ទាប់ពីការឆ្លងមេរោគកាចសាហាវមួយនេះបានមួយរយៈ ក្រោយមកក៏បានវិវត្តទៅជាជំងឺរលាកសួតធ្ងន់ធ្ងរពីការឆ្លងមេរោគ។

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

ត្រឡប់ទៅវិញ Lorina  កើតនៅឆ្នាំ ១៩៩១ នៅទីក្រុង Varna ប្រទេស Bulgaria។ មិនត្រឹមតែបានសម្តែងនៅក្នុងខ្សែភាពយន្តនៅក្នុងប្រទេសកំណើតខ្លួនប៉ុណ្ណោះទេ ប៉ុន្តែថែមទាំងបានបង្ហាញខ្លួននៅក្នុងផលិតកម្មភាពយន្តអាមេរិក និងរុស្ស៊ីមួយចំនួនទៀតផងដែរ៕

ប្រភព៖ ngoisao.net

សូមទស្សនារូបភាពខាងក្រោម៖

• តារាអន្តរជាតិ