គន្លឹះសំខាន់ៗ រក្សាសម្ពាធឈាមឲ្យនៅកម្រិតល្អចំពោះសុខភាព!

បញ្ហាសម្ពាធឈាមឡើងខ្ពស់ ដែលមិនទទួលការព្យាបាលបានត្រឹមត្រូវ ក៏បង្កឲ្យមានបញ្ហាខ្សោយគំហើញ និងការចងចាំ ខ្សោយលិង្គ ទឹកក្នុងស្រោមសួត ឈឺទ្រូង និងបញ្ហាសុខភាពផ្សេងៗមួយចំនួនទៀត។

ខាងក្រោមនេះជាគន្លឹះមួយចំនួនជួយឲ្យយើងរក្សាសម្ពាធឈាមឲ្យនៅទាបក្នុងកម្រិតសុខភាពល្អ៖

ចូលរួមជាមួយពួកយើងក្នុង Telegram ដើម្បីទទួលបានព័ត៌មានរហ័ស

១. របបអាហារ

សម្រាប់អ្នកមានបញ្ហាសម្ពាធឈាមខ្ពស់ គួរមានរបបអាហារដែលសម្បូរដោយបន្លែ ផ្លែឈើ គ្រាប់ធញ្ញជាតិ សាច់មាន់មិនជាប់ស្បែក និងសាច់គ្មានខ្លាញ់។ ដូចគ្នាដែរ អ្នកមានបញ្ហានេះត្រូវកម្រិតការញ៉ាំអាហារប្រៃ អាហារមានខ្លាញ់ឆ្អែត និងខ្លាញ់ចម្រាញ់ និងអាហារ ឬភេសជ្ជៈមានបន្ថែមជាតិស្ករ ដូចជាភេសជ្ជៈកំប៉ុង ជាដើម។ ជាការណែនាំ មនុស្សយើងមានសុខភាពធម្មតាគួរញ៉ាំអំបិលត្រឹម២៣០០ក្រាមក្នុងមួយថ្ងៃ និង១៥០០ក្រាមក្នុងមួយថ្ងៃ ចំពោះអ្នកមានបញ្ហាសម្ពាធឈាមឡើងខ្ពស់។

២. ហាត់ប្រាណជាប្រចាំ

បើសិនជាយើងមានជំងឺបេះដូង ឬបញ្ហាសុខភាពផ្សេងទៀតគួរពិភាក្សាជាមួយគ្រូពេទ្យមុននឹងចាប់ផ្ដើមហាត់ប្រាណក្នុងទម្រង់ណាមួយ។ បើយើងមិនធ្លាប់ហាត់ប្រាណពីមុនមកទេ យើងត្រូវចាប់ផ្ដើមហាត់ប្រាណយឺតៗកុំបង្ខំ និងចាប់ផ្ដើមហាត់បន្តិចម្ដងៗ។

នៅពេលយើងស៊ាំ យើងអាចហាត់ប្រាណ តាមប្រភេទដែលយើងចង់ ដូចជារត់ ជិះកង់ ឬដើរ ឲ្យបាន៣០នាទីក្នុងមួយថ្ងៃ និងធ្វើឲ្យបានច្រើនដងក្នុងមួយសប្ដាហ៍។

៣. តាមដានទម្ងន់ខ្លួន

បើយើងជាមនុស្សលើសទម្ងន់ ការស្រកគីឡូតិចតួច ប្រហែលជា៥ភាគរយនៃទម្ងន់ខ្លួនក៏មានប្រយោជន៍ដល់សម្ពាធឈាមដែរ។

៤.គ្រប់គ្រងស្ត្រេសឲ្យបានល្អ

ស្ត្រេសអាចធ្វើឲ្យសម្ពាធឈាមកើនឡើង ដូចនេះយើងគួរគ្រប់គ្រងស្ត្រេសឲ្យបានល្អ។ លំហាត់ប្រាណ និងការគេងបានគ្រប់គ្រាន់អាចជួយកាត់បន្ថយភាពតាតឹងក្នុងចិត្តបាន។ មួយវិញទៀតយើងក៏អាចរកពេលសម្រាកនៅកន្លែងស្ងាត់ឲ្យបាន១៥នាទីក្នុងមួយថ្ងៃ ក៏អាចជួយបានដែរ។ បើសិនជាយើងមានបញ្ហាពិបាកចិត្ត គួរតែស្វែងរកជំនួយពីមិត្តភ័ក្តិ និងគ្រួសារ ដើម្បីជួយដោះស្រាយ។

៥.ឈប់ជក់បារី

បើសិនជាយើងជាអ្នកជក់បារី ត្រូវឈប់ជក់បារី។ បើសិនជាយើងមិនមែនជាអ្នកជក់បារី ត្រូវនៅឲ្យឆ្ងាយពីផ្សេងបារី តាមដែលអាចធ្វើទៅបាន ព្រោះថាផ្សែងបារីអាចធ្វើឲ្យប៉ះពាល់សុខភាពបេះដូង។

៦. ញ៉ាំថាំតាមវេជ្ជបញ្ជា

បើយើងមានបញ្ហាលើសសម្ពាធឈាម និងគ្រូពេទ្យបានចេញថ្នាំឲ្យប្រើប្រាស់ យើងត្រូវប្រើប្រាស់ថ្នាំឲ្យត្រឹមត្រូវតាមវេជ្ជបញ្ជាជាដាច់ខាត។

៧. កាត់បន្ថយការផឹកគ្រឿងស្រវឹង

សម្រាប់មនុស្សស្រីយើងមិនគួរផឹកស្រាបៀរលើសពីមួយប៉ុងក្នុងមួយថ្ងៃ ហើយមនុស្សប្រុសមិនគួរលើសពីពីរកំប៉ុងក្នុងមួយថ្ងៃ។ យ៉ាងណា បើយើងមានបញ្ហាលើសសម្ពាធឈាម គួរពិភាក្សាជាមួយគ្រូពេទ្យពីកម្រិតគ្រឿងស្រវឹងដែលយើងអាចញ៉ាំបាន។

នៅពេលសម្ពាធឈាមឡើងខ្ពស់ កម្លាំងដែលឈាមបុកនឹងជញ្ជាំងសរសៃឈាមអាក់ទែក៏ខ្លាំងដូចគ្នា។ បើបញ្ហានេះមិនមានការព្យាបាលបានត្រឹមត្រូវ សម្ពាធឈាមខ្ពស់នឹងធ្វើឲ្យខូចសរសៃឈាមអាក់ទែ បេះដូង តម្រងនោម និងសរីរាង្គផ្សេងៗទៀត។ ការណ៍នេះ នឹងអាចធ្វើឲ្យមនុស្សយើងមានបញ្ហាគាំងបេះដូង ដាច់សរសៃឈាមខួរក្បាល និងខ្សោយតម្រងនោម។

ក្នុងករណីមានសំណួរ ឬមន្ទិលសង្ស័យជុំវិញសុខភាពអ្នក ជម្រើសល្អបំផុត សូមពិគ្រោះ និងប្រឹក្សាយោបល់ផ្ទាល់ជាមួយពេទ្យជំនាញ។ Hello Health Group មិនចេញវេជ្ជបញ្ជា មិនធ្វើរោគវិនិច្ឆ័យ ឬព្យាបាលជូនទេ៕

អត្ថបទផ្ដល់សិទ្ធិដោយ Hello Krupet

បើមានព័ត៌មានបន្ថែម ឬ បកស្រាយសូមទាក់ទង (1) លេខទូរស័ព្ទ 098282890 (៨-១១ព្រឹក & ១-៥ល្ងាច) (2) អ៊ីម៉ែល [email protected] (3) LINE, VIBER: 098282890 (4) តាមរយៈទំព័រហ្វេសប៊ុកខ្មែរឡូត https://www.facebook.com/khmerload

ចូលចិត្តផ្នែក យល់ដឹង និងចង់ធ្វើការជាមួយខ្មែរឡូតក្នុងផ្នែកនេះ សូមផ្ញើ CV មក [email protected]

SPONSORED CONTENT

គន្លឹះសំខាន់ៗ ​រក្សា​សម្ពាធឈាម​ឲ្យ​នៅ​កម្រិត​ល្អចំពោះសុខភាព!

១. របប​អាហារ​

២. ហាត់​ប្រាណ​ជា​ប្រចាំ​

៣. តាម​ដាន​ទម្ងន់​ខ្លួន​

៤.​គ្រប់​គ្រង​ស្ត្រេស​ឲ្យ​បាន​ល្អ​

៥.​ឈប់​ជក់​បារី​

៦. ញ៉ាំ​ថាំ​តាម​វេជ្ជបញ្ជា

៧. កាត់​បន្ថយ​ការ​ផឹក​គ្រឿង​ស្រវឹង​

In Case You Missed It